Tashmë ka nisur një lojë brenda Partisë Demokratike, e cila i ngjan lojës hapa-dollapa. Nëse ju kujtohet rregullat e lojës hapa-dollapa ishin: Kush fshihej mbrapa shokut përjashtohej nga loja, ashtu edhe PD ka vendosur që kush nuk dorëzon mandatin ta përjashtojë nga partia.
I pari që është përjashtuar nga PD, ka qënë deputeti Myslim Murrizi, i cili ka refuzuar të dorëzojë mandatin.
Tani pritet të përjashtohet edhe vajza e Azem Hajdarit, Rudina Hajdari e cila me sa duket jo vetëm nuk ka ndërmend që të dorzojë mandatin, por në deklaratën e saj ka lënë të kuptojë që është gati të luajë hapa-dollapa duke përfshirë edhe ndërkombëtarët.Nuk është rastësi për të menduar se Rudina nuk po dorëzon mandatin pikërisht se po i dhimbset fort karigia e saj në Parlament. Vetëm pak muaj më parë ajo ishte gati ta dorëzonte mandatin për protestën studentore në shënjë simbolike për të atin e vet.
Nuk është se e beson njeri që dorëzimi mandateve nga opozita u bë nga disa mendje aq të ndritura si Lulëzim Basha apo Monika Kryemadhi krejt natyrshëm.
Nuk është se Basha dhe Kryemadhi, u ngritën një ditë në mëngjes dhe pakuptur as vetë, koficenti i tyre i inteligjencës ishte mbi 160. Nëse Basha do ishte aq inteligjent do e kishte kuptuar që zëri i tij nuk ishte adapti për të kënduar si tenor himnin kombëtar.
Dorëzimi i mandateve, padyshim ka ardhur si pasojë e një ndikimi nga jashtë, një loje hapa-dollapa të jashtme, dhe asnjë nuk ka burrëri ta dorëzojë karigen e vet pa këtë dorë të fortë që t’i mban krahët ngrohtë.
Por në rastin e Rudinës, pavarsisht përmendjes së ndërkombëtarëve nga ana e saj, çdokush e ndjen prezencën e Hazem Hajdarit.
Çfarë të ketë Rudina vallë?
