Muho Asllani sjell detaje të reja nga mënyra si trajtohej në burgun e Bënçës, ish kryeministri Fatos Nano dhe favoret që i bëheshin.
“Me Fatos Nanon kemi qenë bashkë edhe në burg. Në Bënçë ai kishte dhomë më vete, kurse ne të tjerët rrinim nga 5-6 persona në një dhomë. I bënin shumë favore policët e Berishës. Bashkëshortja Rexhina, një grua shumë e mirë, vinte të premten në burg dhe ikte të hënë, ndërsa i biri vinte bashkë me të ëmën dhe rrinte në hotel në Tepelenë” , tregon ai për “Panoramën”
I pyetur se çfarë mban mend nga burgu me Fatos Nanon, Muho Asllani përgjigjet: “Nexhmija dhe Lenka Çuko kishin një oborr për ajrim. Fatosi ishte në ajrim. Nexhmija e thërret: Tosi hajde pak këtu! Fatosi e sheh dhe i përgjigjet: Ik mos më çaj kokën!
Unë e dëgjova dhe i them: Fatos turp të kesh, si i thua shoqes Nexhmije ik, moj mos më çaj kokën? Ke punuar në një zyrë me të! Ai më pa njëherë dhe hyri brenda. Në 1997 për arsye sigurie për shkak të rebelimit na sollën në Tiranë te 313.. Kërciste automatiku u hapën burgjet dhe ikën të gjithë. Në 313 mbetëm unë, Fatos Nano, Ramiz Alia, një nga Dukagjini, Mun Kola, Shemsie Kadria e Gjalicës. Dy shkodranë të burgosur më rrinin tek dera dhe më thanë: Muho Asllani mos e çaj kokën se nuk të prek njeri ty këtu në burg.”
