Muli u dëshpërua sot nga dy deklarata të Ilir Metës.
E para, që në krye të Partisë së Lirisë do të zgjidhet një kryetar, dhe e dyta, që duan të vrasin Blushin.
Muli thirri Lelon për të vlerësuar shkallën e rrezikut për akuzën e parë.
– A ka shanse të zgjidhet prapë Mona në krye të partisë- tha ai?
– Nuk e di – tha Lelo. Shikoj që grupi i Metës është shpërndarë.
Ka mbetur vetëm Blushi. Ndoshta Mona fut ndonjë nga të vetat për kandidat.
– Po Blushi, nga kush mund të jetë i rrezikuar për jetën?
– Nga Monika – tha Lelo. Normalisht nga ajo, se ajo është armiku i tij më i madh.
Gimi i Puros nuk vret. Është njeri paqësor.
As Petraq Milo nuk vret. Ata janë në udhëheqje.
Por ata mund të bëjnë pazar me Monikën dhe e vret ajo.
– Po çfarë mund të bëjmë për ta shpëtuar – tha Muli?
– Vështirë e kemi ta mbrojmë nga Monika dhe grupi i saj, se është sherr brenda familjes.
Ne mund ta mbrojmë nga Rama dhe nga Lapaj, por nga Monika e kemi të vështirë.
Vetëm nëse denoncojmë Monikën publikisht si tradhtare të opozitës dhe “dumdumaniste”.
Pastaj e kemi lehtë. Në Kuvendin e PL dërgojmë demokratët, mbushin sallën dhe zgjedhin Blushin.
Aty merr fund.
– Kështu do ta bëjmë – tha Muli.
Kjo është dhe përvoja që na ka dhënë Doktori në vite, sa herë partitë aleate përçahen.
