Pas vendimit të Doktorit për të shkuar nesër në Shkodër, Muli ka marrë kontakt me Nard Ndokën për të siguruar mbështetje në takim.
Gjatë konsultimeve mes Nokës dhe Ndokës, u arrit një marrëveshje e përbashkët, e cila do të sigurojë suksesin e takimit.
Pika e parë e marrëveshjes është që Muli të mos përdorë më mbiemrin Noka, se ngatërrohet me mbiemrin Ndoka dhe Nardi vihet në siklet, se i thonë qenka budalla si Muli.
Pika e dytë e marrëveshjes është që Doktori ta bëjë të qartë në Shkodër se Basha është i shitur tek Edi Rama, pasi ai shiti në fillim Nard Ndokën, pastaj Sali Berishën.
Dhe kur shiti Ndokën, si mund t’i dhimbsej Berisha.
Pika e tretë e marrëveshjes është që Doktori të pranojë publikisht se kur një njeri të tradhton si Lul Basha, ai njeri nuk mund të quhet më besnik.
Ndaj Berisha duhet të kërkojë falje se nuk i njeh njerëzit e vërtetë besnik.
Pika e katërt e marrëveshjes është që Doktori ta prezantojë Nardin në Shkodër dhe të tregojë para demokratëve se kur Doktori nuk donte ta zgjidhte më ’96-n, vendosi vota e demokratëve dhe ia hodhën poshtë vendimin Doktorit.
Kështu do të ndodhë dhe me Lul Bashën.
Pika e pestë dhe e fundit është që Doktori duke folur për Nard Ndokën, të theksojë se “të vish në Shkodër pa Nardin, është sikur të shkosh në mal pa kalin”.
Kjo do të vërë ne vend dinjitetin e Nardit dhe do t’i japë atij atë që meriton prej vitesh, që kur ka hyrë në PD.
