Doktori ka lajmëruar nesër takimin e radhës në Gjirokastër.
Demokratët e Lazaratit kanë dy herë arsye ta presin Doktorin krahëhapur.
Bashkë me Doktorin, Departamenti i Shtetit ka penalizuar dhe Lazaratin nga turistët amerikanë, pasi ka njoftuar publikisht ta shmangin si fshat për vizita.
Kjo është bërë qëllimisht, se ata janë mbështetës të Doktorit.
Për këtë arsye Flamuri ka marrë masat që takimi i Doktorit të jetë më i miri.
Për këtë, bisedën e parë e bëri me Dashon.
-Vëlla, bëj pak kujdes nesër mos të na vijnë të çmendur në takim, se na nxinë jetën.
-Po jo mo vëlla, çfarë thua. Ne kemi qenë esëll kur kishim hashash e jo më tani, që kemi kaq vite thatë fare.
-Na duhet një parullë e madhe që të dëshmojë aleancën e Lazaratit me Doktorin kundër SHBA, i tha Flamuri.
Shiko mos kanë ndonjë ide ata djemtë.
Pas kësaj, Dashua mori ca djem nga fshati.
-Kam një porosi nga Muli, u tha, dua një parrullë të madhe për Doktorin.
-O vëlla ne jemi me Doktorin, ja pret ai djali.
Me Flamur Golemin është Lul Basha.
-Jo ai Mul mo burrë, po Muli jonë në Tiranë.
-A, ashtu po. Ja të mendojmë, i tha.
Dhe pas pak e mori në telefon.
-E gjetëm, tha. Do të vëmë një parullë të madhe ku shkruan: “Lazarati me Doktorin, SHBA, është me horrin”.
-Shumë mire, tha Dashua, dhe ja çoi Mulit.
Muli u kënaq shumë.
-Vetëm kam një vërejtje, tha.
Ky horri është Lul Basha apo Edi Rama?
Se duket sikur është vetëm për njërin.
-Ke të drejtë, i tha Dasho. Po e ndryshojmë.
-“Doktori dhe Lazarati,
s’pyet nga Luli dhe i Gjati,
jemi më mirë non grati”
-Kjo qenka e bukur, tha Muli. Këtë të vëmë.
