Në një dalje para mediave, këngëtarja e njohur Anxhela Peresteri që do përfaqësojë Shqipërinë në skenën e madhe të “Eurovizionit” bëri shqiponjën dykrenare dhe të njëjtën foto e ka postuar në “Instagram”. Ky veprim i saj ngriti reagime të mediave serbe.
“Novosti” i dedikoi një artikull veprimit të përfaqesueses së Shqipërisë, duke e cilësuar si provokim.
“Skandal në Eurovision: Simboli i Shqipërisë së madhe, një provokim i turpshëm para gazetarëve”, ishte titulli i mediumit serb.
Në artikullin e “Novostit” thuhet se në prag të mbajtjes së natës gjysmëfinale të “Eurovisionit” ndodhi një skandal.
“Përfaqësuesja e Shqipërisë, Angelia Peristeri dhe bashkëpunëtori i saj dolën para shtypit dhe treguan simbolin e Shqipërisë së Madhe, të ashtuquajturën “shqiponja dykrenare” në mënyrën shqiptare. Ju kujtojmë se Eurovision në parim ndalon promovimin politik në veprimtarinë e saj. Ajo ndau një foto me të njëjtën temë një javë më parë”, thuhet ndër të tjera në artikullin e mediave serbe.
Këngëtarja shqiptare, Anxhela Peristeri, do të përfaqësojë Shqipërinë në festivalin “Eurovision 2021”, prej disa ditësh ajo po qëndron në Roterdam, pasi do të përformojë në natën e dytë të festivalit.
