Ndahet nga jeta ish-ambasadori gjerman në Shqipëri, Werner Daum. Diplomati ka mbyllur sytë përgjithmonë në moshën 82-vjeçare në një hotel në zonën e Durrësit ku ndodhej prej disa ditësh.
Mendohet se Daum ka ndërruar jetë për shkaqe natyrale.
Daum mori pjesë para pak ditësh në inaugurimin e shtatores së dëshmorit të demokracisë, Josif Budo në Kavajë.
Kujtojmë se Daum ishte ambasador në Shqipëri nga 1987 deri në vitin 1990, pikërisht në kohën kur nisi lëvizja kundër regjimit komunist e udhëhequr nga komunistët.
Ai hapi dyert e ambasadës gjermane për shqiptarët, duke dalë kundër udhëzimeve të qeverisë së tij.
Në një intervistë më vonë, ai pranoi se e bëri këtë gjë qëllimisht, duke e ditur se eksodi masiv i shqiptarëve do sillte edhe rrëzimin e regjimit.
