Pas atij shkëlqimi të madh të Ernest Muçit te Beshiktashi dhe pas zyrtarizimit në Turqi me bujë të madhe, në sezonin e ri, talenti shqiptar po kalon një moment të vështirë. Me ardhjen e trajnerit të ri hapësirat për Mucin janë minimizuar, veçanërisht pasi në verë u soll Rafa Silva që është duke përjetuar momentin ideal në këtë skuadër.
Gjithashtu afrimi i Ciro Imobile ka nxjerrë nga qendra një tjetër sulmues të talentuar dhe që ishte i shumëkërkuar në merkato, Kilicsoy. Sulmues turk ka luajtur shumë ndeshje në krahun e majtë të sulmit, për t’i zënë sërish vendin Mucit.
Ndërkohë në ndeshjen e fundit kundër Sivaspor, Van Bronckhorst zgjodhi të luante me Mucin nga minuta e parë. Por pavarësisht fitores 2-0, media turke “Duhuilye”, jo vetëm që nuk e ka vlerësuar performancën e shqiptarit, por pati kritika të ekzagjeruara për të. Ata nuk ngurrojnë të shkojnë deri aty aq sa të shprehen se futja e Mucit në ekip prishi futbollin e bukur të Beshiktashit. Në atë takim Beshiktashi fitoi 2-0, ndërsa ndërrimi i parë i trajnerit në minutën e 62 ishte rikthimi në stol i Mucit dhe aktivizimi i Kiliscoy.
“Zgjedhja e Giovanni Van Bronckhorst-it me Ernest Muçin në fushë kundër Sivassporit e prishi futbollin e Beshiktash-it, nuk do ta ekzagjeroja. Sigurisht që 23-vjeçarin shqiptar nuk mund ta përshkruaj si një “lojtar të keq”, por duket qartë se Muci kishte probleme serioze me përshtatjen me “sistemin e ri”. Me Muçin, Be?iktashi harroi fare krahët, të paktën në pjesën e parë, dhe vazhdimisht tentoi të shkonte në portën kundërshtare nga mesi. As kjo nuk ishte e lehtë, sepse taktika e lojës së Bülent Uygun kundër Beshikta?it ishte “mbrojtja në terren”. Sistemi tipik i tyre; I gjithë ekipi duhet të luajë në mbrojtje dhe nëse është e mundur, të përpiqet të shënojë me kundërsulme. Më e keqja është se Beshiktash kalon në epërsi me gjuajtjen e Ciro Immobile në penallti, por Sivasspor nuk bën kompromis në qasjen e tij mbrojtëse. Sikur Sivasspor do të marrë pikë shtesë nëse humb me një gol.
Pa Semih Këlëçsoy në krahun e Mucit, mbrojtësi Arthur Masuaku nuk mund të siguronte efikasitetin e pritur në krahun e majtë. Sigurisht që shkak për të gjithë këtë ka qenë fillimi i lojës me Ernest Muçin. Kur kësaj iu shtua edhe mungesa e shkathtësisë së Jonas Svensson dhe Milot Rashicës në krahun e djathtë, futbolli i Beshiktashit këtë herë nuk ishte i këndshëm. Në fillim të pjesës së dytë, trajneri holandez natyrshëm analizoi më mirë atë që pa dhe bëri një ndryshim Ernest Muçi-Semih K?l?çsoy. Megjithatë, nuk ka ndryshuar shumë sepse shumë lojtarë të Beshiktashit e kishin humbur dëshirën në fillim të lojës për të luajtur”, shkruan media turke.
