Kjo nënë ka postuar një foto të vajzës së saj në Facebook, duke mos vënë re se diçka nuk shkonte.
Shumë herë postojmë foto, pa kontrolluar se çfarë fshihet pas apo duke injoruar komentet që mund të shpërthejnë. Kështu që Tara Taylor pa se kishte diçka të çuditshme në foto, por besoi se shkëlqimi që shfaqej në syrin e saj të majtë ishte vetëm një reflektim i blicit.
Miqtë e saj duke parë vogëlushen në foto kanë reaguar dhe kanë klikuar like, madje kanë lënë komente për bukurinë e saj. Por disa prej tyre panë diçka që askush nuk e kishte parë më parë. Ata menjëherë i dërguan një mesazh nënës, duke i thënë se do të ishte mirë të shkonte te një mjek për të parë syrin e vajzës.
Por ata nuk mendonin se mund të ndodhte ndonjë gjë e keqe. Tara vendosi të marrë këshillat e tyre dhe vizitoi një mjek me vajzën e saj. Minuta më vonë, pasi u kthyen rezultatet e testit, Reilly u diagnostikua me sëmundjen Coats. Falë vëzhgimit dhe nxitjes së miqve të saj, problemi i vogëlushes u diagnostikua në kohë duke i shpëtuar syrit.
Çfarë është sëmundja Coats
Sëmundja Coats është një sëmundje tipike e njëanshme e karakterizuar nga rritja jonormale e enëve të gjakut prapa retinës, duke çuar në anomali të enëve të gjakut të retinës dhe shkëputje të retinës, dhe imiton retinoblastomën. Sëmundja përparon ngadalë dhe në stade të avancuara rritet rreziku i shkëputjes së retinës, ndërsa mund të zhvillohet glaukoma dhe katarakti. Sëmundja zakonisht shfaqet në dekadën e parë të jetës dhe zakonisht prek njërin sy.
Sipas të dhënave të Shoqatës Panhelenike të Retinopatisë, sëmundja prek kryesisht djemtë dhe 90% prek vetëm njërin sy. Simptoma karakteristike e Coats është leukokoria, e cila karakterizohet si një reflektim jonormal i dritës në retinë. Simptomat përfshijnë gjithashtu fotopsinë dhe miopinë. Një shenjë paralajmëruese e hershme e sëmundjes Coats është “syri i verdhë” në fotografimin me flash. Ashtu siç funksionon efekti i “syrit të kuq”, i shkaktuar nga reflektimi i enëve të gjakut në pjesën e pasme të një syri normal, në foton e syrit të Coats, do të shfaqet një reflektim i verdhë.
