Kryeministri Edi Rama deklaroi sot në Kuvend se nëse LSI rri një turn pushim duke mos hyrë në zgjedhje atëherë nuk ka blerje votash, nuk ka shitje votash, se nuk kush i blen dhe s’ke kujt t’ia shesësh.
“Kur është folur për blerje dhe shitje votash për hir të së vërtetës nuk kemi pasur probleme me PD, por simotrën tonë LSI”-, tha Rama.
Kryeministri Rama u shpreh se “për çfarë kanë dalë në rrugë, kanë dalë në rrugë se nuk vijnë dot në zgjedhje se po të vijnë në zgjedhje dalin ashtu siç hyjnë.
Po kanë dalë në rrugë dhe thonë ju bleni votat, ndërkohë që ne në vitin 2017 dhe le të çohen të gjithë deputetët, le të çohet edhe Myslym Murrizi, nëse e ka me gjithë mend, një problem kishim si të ruajmë votat se do na i blejë fallxhorja”.
Tani, vijoi Rama, del daja Titi dhe këndon këngën të shpëtojmë Shqipërinë nga ata që na blejnë votën shpëtojeni pra gjysmën e punës e keni bërë, keni dalë në rrugë dhe tani nga rruga shkoni në shtëpi dhe Shqipëria ka shpëtuar.
“Në komisionin e zgjedhjeve për herë të parë në 2017 kishin shumicën, sot kryetari i KQZ është zgjedhja e tyre”,- tha Rama.
