Ka një kod universal në sjelljen njerëzore: Ruajtja e jetës së popullit tënd në radhë të parë e më pas e gjithë qënieve njerëzore dhe faunës përreth.
Kjo është dhe baza e qytetërimit dhe e politikës që e mban në këmbë atë. Donald Trump erdhi në pushtet duke bërtitur se do të vendoste amerikanët para të gjithëve dhe se do të sjellë për popullin e tij kohën e artë në SHBA.
Sot e përditë po shohim nga Sali Berisha dhe klani i ekstremistëve që e rrethojnë, të kërkojnë ngjashmëri, shpresë, qëllime të përbashkëta e madje armiq të përbashkët me Donald Trump dhe njerëzit e besuar të tij.
Por nuk ka as edhe një pikë të përbashkët mes miliarderit dhe biznesmenit të lindur e të ushqyer me ajër dhe demokraci dhe diktatorit të fundit të Ballkanit që qëlloi pa mëshirë drejt popullit të tij, duke vrarë 4 vetë me 21 janar 2011 dhe duke plagosur dhjetëra të tjerë!
Ky është një dallim së pari mes njeriut si qënie e logjikshme dhe e civilizuar dhe njeriut primitiv, i cili verbohet nga instikte të ulëta si hakmarrja, ndëshkimi individual, egërsia e veprimeve ndaj kundërshtarëve, vetëgjyqësia.
Nëse sot diskursi i kundërshtarëve të Berishës dhe i drejtësisë së re është i përqendruar tek korrupsioni madhor i familjes Berisha në Shqipëri, do të thotë që dikush po përpiqet të zvarrisë (pa dyshuar që kërkon të amnistojë) vrasjet masive që kjo familje ka bërë direkt (më 21 janar 2011 në Bulevardin Dëshmorët e Kombit) dhe indirekt (më 15 mars 2008 me biznesin në Gërdec). Dhe vrasjet, nuk mund të barazohen me vjedhjet!
Vrasjet e një politikani dhe të konjukturave përreth tij, nëse mbeten të pagjykuara, mbeten hone të zeza në jetën e një populli që rrezikojnë të përthithin copëza historie e jete ashtu si vrimat e zeza në Univers marrin me vete çdo gjë që i rrethon.
Pra, sot, as Sali Berisha dhe askush përreth tij nuk duhet të lejohet nga askënd që t’i afrohet, e lëre të bëjë krahasim me historinë e tij në Shqipëri dhe me historinë e karrierës së politikës së Donald Trump!
