Nikoll Lesi shkruan se mbi Ramën po vijnë stuhi dhe rrufe, dhe më pas, më 16 shkurt, uragani.
“Situatës që po vlon prej muajsh në universitete i janë shtuar dhe protestat e opozitës. Partitë e Frontit Opozitar kanë paralajmëruar një protestë të madhe më 16 shkurt. Por duket se tubimet të tjera do ti paraprijnë kësaj proteste. Kreu i PD-së, Lulzim Basha ishte dje në Durrës në një takim të zakonshëm me elektoratin e PD.
Si rrallë herë në takimet e fundit të PD, një aktivitet partie u kthye në protestë masive në qytetin e Durrësit. Pas Durrësit, të dielën në Elbasan është paralajmëruar një tjetër protestë e madhe opozitare. Këtë herë janë qytetarët ata që po dalin para partive duke kërkuar protesta dhe tubime në gjithë vendin. Jo rastësisht, në takimet e krerëve të PD janë militantët dhe qytetarët që kërkojnë reagim më të fortë dhe jo vetëm protesta dekorative.
Nisja e protesta në shumë qytete të vendit pritet ti paraprijë mitingu që opozita ka paralajmëruar më 16 shkurt. Sipas opozitës ky do të jetë tubimi më masiv i viteve të fundit, që nuk do të ketë vetëm fjalime, por aksion konkret kundër qeverisë. Ndryshe nga studentët, opozita nuk kërkon ndryshimin e ligjit për Arsimin, por largimin gjithë qeverisë “Rama”.
Ndërkohë Edi Rama është shprehur se nuk don t’ia dijë aspak për 16 shkurtin dhe se qeveria e tij do të shkojë e qetë në zgjedhjet e 30 qershorit. Por kjo duket paksa e vështirë duke parë se opozita me 16 shkurt ka skenarin e përballjes frontale duke synuar detyrimin për tu dorëhequr kryeministri e krijimin e një Qeveria Tranzitore e cila të çojë vendin drejt marrjes së statusit kandidat për në BE dhe zgjedhje të parakohshme.
Stuhi dhe rrufe mbi kryeministrinë po vijn vrullshëm dhe më pas si uragan”, shkruan ai.
Kjo të bënë të ndjesh keqardhje se iku dhe një ish deputet nga mendja. Thirrjet për stuhi dhe rrrebeshe, furtuna dhe uragan, i përkasin një kohe tjetër, dikur kur Lesit i dogjën gjithçka.
Sot qytetarët nuk janë ndjeksit e Lulzim Bashës dhe Sali Berishës por janë ato që kanë zgjedhur qeverisjen dhe janë miliona. Por Nikolla me keqardhje ka p… nga trutë dhe ka halucinacione.
