Shqipëria mori një përgjigje jo të mirë në samitin e Berlinit. Kancelarja gjermane Angela Merkel i komunikoi kryeministrit Rama, se nuk mund të vendosë e vetme për hapjen e negociatave, pasi duhet të marrë mendimin e Bundestagut.
Parlamenti gjerman ndërkohë kërkoi që vendimi të shtyhet deri në shtator, pasi afati kohor deri në qershor është i pamjaftueshëm.Kjo ngjarje është konfirmuar edhe nga ish-ministri i Jashtëm, Ditmir Bushati.
Ky i fundit nëpërmjet një postimi në Twitter, shprehet se anëtarësimi në BE i vendeve të Ballkanit perëndimor është ende i largët.Sipas tij, rajoni, ku përfshihet edhe Shqipëria, ka boshllëqe ekonomike dhe sociale.Kujtojmë se ditën e sotme është 15 vjetori i zgjerimit të Bashkimit europian me 10 vende.
Bushati shkruan në Twitter.
Sot është 15 vjetori i zgjerimit më të madh të BE me 10 vende të ish-bllokut lindor. Një sukses historik pas Luftës së Ftohtë. 15 vite më vonë anëtarësimi i vendeve të Ballkanit perëndimor duket i largët, pasi nuk janë kapërcyer boshllëqet ekonomike dhe sociale. Një biznes i papërfunduar.
