Tedi Malaveci drejtuesi aktual i Dhomës Kombëtare të Përmbaruesve Gjyqësorë është një person i dënuar për trafik droge me një vit burg nga gjykata e Utrehtit.
Në vendimin e gjykatës thuhet se në vitin 1997 Tedi Malaveci rezulton si një person që është dënuar me 1 vit heqje lirie me vendim të formës së prerë nga Gjykata Qendrore e Utrehtit në Holandë dhe ka vuajtur dënimin në burgun e sigurisë së zakonshme nga data 21 Maj 1997 deri në 26 gusht 1997, për veprën penale të trafikimit të substancave narkotike me emrin, Teodor Malaveci.
Pasi ka vuajtur dënimin dhe është ri-atdhetësuar në Shqipëri, Teodor Malaveci, në datën 25 korrik 2003 kryetari i dhomës kombëtare të përmbaruesve, ka ndërruar emrin e tij pranë Zyrës së Gjendjes Civile Njësia 9, duke bërë ndryshimin nga “Teodor Malaveci” në “Tedi Malaveci”.
Ndërkohë në vitin 2003, Malaveci ka ushtruar detyrën e oficerit të policisë gjyqësore pranë Prokurorisë së Tiranës dhe ka deklaruar se nuk ka qenë i dënuar më parë.
Si pasojë e fshehjes së dënimit ai është pranuar në radhët e OPGJ-ve të Tiranës, duke shkelur haptazi ligjin e kohës.
Sot komisioni hetiomor për shkeljet në sistemin TIMS ka konstatuar se një ish punonjës i IT në policinë e Shtetit nuk kishte dorëzuar që prej vitit 2020 kodet e programit të disa sistemeve në TIMS, ndërsa kishte ndërhyrë në sistem duke regjistruar 5 pasaporta të 5 personave të ndryshim që të mos figuronin fare të dhëna.
Nga këta është edhe emri i Tedi Malavecit, që duhet sqaruar se pse duhet të ishte pasi s’ka asnjë lidhje, ndërsa 4 të tjerët janë ish punonjës dhe nuk kanë asnjë lidhje me krimin siç pretendon opozita, ndërsa Malaveci ështe i akuzuar për lidhje me krimin dhe si një delfin i Ulsi Manjës.
Tedi Malaveci me një të kaluar të errët vazhdon dhe mban detyrën e kryetarit të Përmbaruesve shtetëror një struktur që varet nga MIN e Drejtësisë në shkelje të ligjit thjeshtë për të rivalizuar përmbaruesit privat, madje për t’i eleminuar nga sistemi, në menyrë që në bashkëpunm dhe me ministrin e drejtësisë të lirojnë vënde për të shitur licensa përmbarimor që ligji i ka të kufizuara. është vënë në qendër të skandalit për ndërhyrje të pa autorizuar në TIMS dhe vjedhjen e të dhënave kompjuterike të mijëra Shqiptarëve.
Malaveci, besohet se ka pasur akses në shumë skedarë informacioni në TIMS, dhe për këtë qasje ai është bërë pjesë e një verifikimi të posaçëm nga Prokuroria e Tiranës dhe Komisioni Parlamentar Hetimor.
Kryetari i Dhomës së Përmbaruesve Shqiptarë, sipas dokumenteve të servirur në Komision Hetimor, të cilat më pas do bëhen pjesë e fashikullit hetimor në prokurori, ka pasur akses të plotë në TIMS, duke bllokuar njëherësh aksesin e policisë për të dhënat e veta, të afërmve dhe bashkëpunëtorëve të tij më të ngushtë.
Nuk dihet se me çfarë motivacioni, e ka justifikuar Ervin Muça qasjen e Tedi Malavecit në sistemin kompjuterik TIMS, i cili është një person që nuk ka lidhje me Policinë e Shtetit apo qoftë dhe me një polic të thjeshtë.
Që nga momenti që në dokumente ka dalë emri i Tedi Malavecit, bashkëjetueses së tij, Aida Jaupllari, bashkëpunëtorëve Nevila Xoxe dhe Rone Veizaj, shumë pyetje janë ngritur nga grupi i hetimit mbi Kryetarin e Dhomës Kombëtare të Përbaruesve.
Përse i duhej aksesi Tedi Malavecit te të dhënat e qytetarëve të Shqipërisë? A e ka përdorur Tedi Malaveci këtë akses në TIMS, si shantazh… dhe ndaj kujt personi?
Por dyshimet më të forta të hetuesve janë se përmes këtij aksesi të palimituar në TIMS, Malaveci mund të ketë furnizuar me të dhënat dhe informacionet e TIMS, grupe të ndryshme kriminale në vend?
Skandali pritet të hedhë dritë mbi bashkëpunimin dhe interesin që ka pasur ish-drejtori i TIMS, Ervin Muça tashmë i vënë nën hetim dhe i mbyllur në “Arrest shtëpie” me kreun e dhomës së përmbaruesve, sepse dokumenteve zyrtare të paraqitura në Komisionin Hetimor kanë konfirmuar plotësisht se personi që qëndron nga pas, si hije e këtij skandali është Tedi Malaveci.
Dy ditë më parë deputeti Ervin Salianji vendosi të pyesë në Komisionin Hetimor Drejtorin e Përgjithshëm të Policisë së Shtetit, Z. Rrumbullaku:
“nëse kishte dijeni se shtetasi Tedi Spiro Malaveci, që nuk ka asnjë funksion në Policinë e Shtetit, a keni informacion se ka akses apo ka pasur akses të paautorizuar në sistemin TIMS…”?
Rrumbullaku është përgjigjur:
“…zoti kryetar i komisionit, kjo pyetje ka të bëjë me të dhënat sensitive. Kur të vijë këtu personi i radhës do t’ju verë në dispozicion dhe praktikën për të mësuar dhe ju të vërtetën në raport me këtë konstatim. Absolutisht do ta mësoni të vërtetën vetëm pasi të vijë personi i radhës…”.
SPAK i ka filluar hetimet por me ndërhyrje nga lartë i ka devijuar, është komisioni hetimor parlementar që do e dërgoj edhe njëherë në gojën e ujkut e ndoshta edhe pas hekurave mashtruesin Tedi Pirro Malaveci, qê ka ndërruar dhe emrin e babait nga Pirro në Spiro pët të fshehur identitetin e tij të njollosur/ Ekskluzive.al
