Vetëm 5 km nga pika kufitare me Serbinë në Merdarë, në hyrje të Podujevës, është vendosur simboli i shqiponjës.
Iniciues i Monumentit është Florent Hasani ndërsa është realizuar nga biznesmeni llapjan, Muhamet Hasani.
Inagurimi i saj do të bëhet të mërkurën me 19 qershor, në Ditën e Çlirimit të Podujevës.
Shqiponja është e përmasave gjigante, dhe ngjason me atë që është e vendosur në komunën e Ferizajt.
Një shqiponjë e tillë u hoq në rrethrrotullimin te Dogana në Tiranë për shkak të projektit për Unazën e Re.
Ajo ishte dhuratë e biznesmenit të njohur nga Tetova Lazim Destani për 100 vjetorin e pavarësisë së Shqipërisë.
/Ora News.tv/
