Leo Çani, projektues i shtyllave të Tensionit të Lartë të Shqipërisë ka folur për punën e tij, pasi ai ka qenë projektues i shtyllave të Tensionit të Lartë të Shqipërisë në kohën e komunizmit.
Sot kur e gjithë Europa është e përfshirë në një krizë të energjisë elektrike, Leo Çani na kthen shumëvite pas në kohën kur u realizua elektrifikimi i Shqipërisë. Ai shprehet se ajo që u ndërtua në atë kohë, filloi të shkatërrohej pas viteve 90’ dhe për këtë ai bën fajtor sistemin e drejtuar nga Berisha.
“Pas viteve ’90 ne shkatërruam traditën, shkatërruam gjithçka që ishte ndërtuar më parë. Linjat e tensionit të lartë që kemi ndërtuar ne në atë kohë kanë nivel botëror të asaj kohe dhe kanë disa origjinalitete.
Shtyllat që kemi ne janë me një vendosje ndryshe nga ajo klasikja, janë me një vendosje shumë origjinale dhe që janë bërë që në vitin 1962 dhe sot nuk i përmendim, madje edhe shtyllat sot shkojnë i marrin nga Kroacia apo Maqedonia.
Linja 400 kv që është bërë e para dhe është projektuar nga Elbasani në Greqi, por deri në kufi e bënim ne, dmth sektori që drejtoja unë në atë kohë dhe unë Leo Çani jam projektues i asaj linje. Ajo linjë është bërë në vitin 1984. Në vitin 2005 kur po ndërtohej linjë nga Tirana në Shkodër me të njëjtat karakteristikat, kur kontaktova me ato që po e ndërtonin e kuptova që e bënin koston të fryrë për të marrë atë 20%.
Për këtë linjë kam marrë vesh që ka marrë 2 mln Genc Ruli, ministër. E bënë linjën me një koeficient sigurie të lartë për të rritur koston e objektit. Në kohën që ndërtonim ne nuk ekzistonte korrupsioni.”, u shpreh Leo Çani në Shqip.
