Çmimin Nobel për Letërsi këtë vit e ka rrëmbyer poetja amerikan Louise Glück, e cila është bërë shkrimtarja e parë amerikane që fiton këtë çmim për letërsi në 27 vjet.
Gluck, cituar për “zërin e saj poetik të pagabueshëm që me një bukuri të rreptë e bën ekzistencën individuale universale”, është gruaja e 16-të që fiton ‘Nobelin’ dhe e para Amerikane që kur Toni Morrison mori çmimin në 1993.
Këtë vit çmimi vlen 10 milion korona suedeze (957,671.53 euro). Ajo i akordohet nga Akademia Suedeze me 18 anëtarë, shkrimtarit që ata mendojnë se ka përmbushur kushtin e përcaktuar me fjalët disi të vrazhda të vullnetit të Alfred Nobel: të “ketë prodhuar në fushën e letërsisë veprën më të shquar në një drejtim ideal”.
Pas gati tre vitesh me skandale, vëzhguesit kishin parashikuar që Akademia Suedeze do të shkonte për një “zgjedhje të sigurt” këtë vit, me poeten kanadeze Anne Carson, shkrimtaren antiguano-amerikan Jamaica Kincaid, romancierin kinez Yan Lianke, romancierin rus Lyudmila Ulitskaya, bestseller-in japonez Haruki Murakami dhe pretendenti shumëvjeçar Ngugi wa Thiong’o, romancieri, poeti dhe dramaturgu kenian, i emëruar si fitues të mundshëm. Nga 116 fituesit e mëparshëm të letërsisë Nobel, 15 ishin gra, dhe shkrimtari i fundit afrikan i zi ishte Wole Soyinka, në 1986.
