Sali Berisha, në një konferencë për mediat këtë të mërkurë, ju rikthye sërish strategjisë së tij të qysqisë për t’u rikthyer në selinë e demokratëve. Ai thotë se ka konstatuar se 70% e shqiptarëve e duan dhe se do të rikthehet në krye të Partisë Demokratike.
Ish kryeministri fton edhe kandidatë të tjerë në garë duke thënë se ai nuk do të influencojë dhe do jetë i barabartë me të tjerët.
“Ata të cilët nuk kanë respekt për votën, nuk i referohen votës, dëshmojnë një mentalitet totalitar mjeran. Gjithçka, Sali Berisha, në këtë kohë të shkurtër, nuk u ka premtuar shqiptarëve, përveç votës së lirë.
Nëse bëni analizën se 70% e opozitës shqiptare u rreshtua në krahun e tij, shpjegon se ata duan votën e lirë. Çdo analist që do të diskutojë për problemin, nëse del jashtë boshtit të votës së lirë ka një arsyetim të rrezikshëm, që nuk ka asnjë gjë të përbashkët me votën e lirë”.
Por më tej, Sali Berisha theksoi se e vërteta që vërtetoi 6 marsi ishte rikthimi i Sali Berishës. Ai theksoi se do të kandidojë për kryetar të PD.
“Do të garojë për kryetar të PD, por garantojë për çdo kandidat tjetër kushte të barabarta dhe garantoj demokratët që do të pranoja rezultatin pa asnjë koment. Rikthimi ka ndodhur më 6 mars. Ai nuk zhbëhet më, veçse me votën e qytetarëve shqiptarë”, tha Berisha
