Gjatë një bisedës në emisionin Opinion, Blendi është pëplasur me të ftuarin e tij, Preç Zogaj pasi nuk po i përgjigjej pyetjes së tij.
Pjesë nga biseda:
Blendi Fevziu: Preç të bëra pyetje tjetër, përse bën sikur nuk kupton për çfarë të pyes. Basha a duhet ta merrte vendimin vetë apo duhet ta hidhte në votim. Çfarë e pengonte Bashën të thoshte unë jam kryetar i partisë. Po qe se ju votoni që Berisha të qëndrojë largohem unë.
Preç Zogaj: Nuk është kjo pyetja.
Blendi Fevziu: Pyetjen e bëj unë, jo ti. Jepi përgjigje pyetjes time. O Preç ke 15 minuta. Që nuk më kthen përgjigje.
Preç; Po s’të le ti. Këtu është çështje shumë serioze. Këta duan ta zvogëlojnë.
Fevziu: Preç do t’i marrim një nga një.
Preç Zogaj: Lideri merr vendime. Nëse është zgjedh një anëtar një votë dhe nuk merr vendime, atëherë kot që rri lider.
Berisha ka nisur lëvizjen shpaguese, dhe i janë bashkuar disa të pakënaqur ndaj Bashës
Ai thotë se vendimi i Lulzim Bashës për të përjashtuar Sali Berishën ishte i vështirë por i duhuri. Ai tha se Sali Berisha ka nisur tashmë një lëvizje shpaguese ndaj tij, ndërsa nënvizoi se situata në PD nuk mund të diskutohet duke lënë mënjanë faktin që Berisha është i shpallur non-grata nga SHBA.
“Për herë të parë, në një krizë të brendshme të PD-së kemi SHBA. Ne e dimë që SHBA ka kërkuar në zyrën e Bashës të bëhet kjo, në të kundërt do të ketë sanksione. Nëse në gjithë këtë diskutim përjashtoni ngjarjen non-grata…Ky është një vendim që o merret nga lideri, ose ai nuk është lider.
Këta janë të pandershëm me demokratët se nuk thonë që këtë histori e ka nxitur ngjarja e ngjarjeve që është “non-grata”. Një mendim i tillë siç e ka marrë Basha, me një artificë që është në parti, është në Këshillin Kombëtar, por Berisha ka nisur një lëvizje shpaguese…dhe janë bërë me të njerëz që kanë pakënaqësi me Bashën. Vendimi i Bashës i duhur, i vështirë…”, deklaroi Zogaj në emisionin “Opinion”.
