Për herë të parë, ish kryeministri i vendit, Sali Berisha, në një intevistë për ‘ABC’ ka deklaruar se e ka kaluar koronavirusin. Ai është shprehur se virusin e ka kaluar si një grip në një formë të zakonshme, ndaj kjo është dhe arsyeja se përse nuk e ka bërë publike.
Ish-kryeministri është shprehur se pavarësisht se ka qënë i infektuar ka punuar çdo ditë njësoj. Ndër të tjera Berisha shton se vaksinën do ta bëjë kur ti vijë radha.
“Unë kalova një grip në formën më të zakonshme. Kjo është dhe arsyeja e vërtetë që unë nujk e bëra publike, Unë thash nëse kjo kalon në stadin e rrufrave të zakonshme unë nuk do ta bëj publik.
Unë pata vetëm një shenjë që ishte një rrufë disa ditore dhe dy ditë kam pasur një temperaturë prej 37 e gjys. Në shkurt unë kam punuar çdo ditë njëlloj, nuk më ka cënuar aftësinë për punë.
Unë shumë herë kam pasur shumë karantina pasi kisha kontakt me persona që kishin takuar të infektuar me koronavirus. Aspekti më i vështirë ishte procesi i karantinës, ajo duhet të zbatohet dhe duhet të jemi seriozë”, ka thënë Berisha.
Në lidhje me vaksinën, ai tha se edhe po t’ia ofrojë Rama nuk do ta pranonte, pasi do ta bëjë atë vetëm kur t’i vijë radha.
“Edhe po të më ofrojë nuk do e bëj. Vaksinën do e bëj kur të vijë grupmosha 76 vjeçare më 15 tetor, para kësaj date dhe moshe nuk do të bëj vaksinë.
Kam përdorur mjetet më të zakoshme si në çdo rrufë dhe për pesë ditë kam përdorur remdisivir, pasi mjeku më tha se do të shkurtojë kohën. Unë e kalova në formën më të lehtë”,- tha Berisha.
