Edhe pse 3 ditë më parë Aleanca për Mbrojtjen e Teatrit tha se dorëzoi në SPASK një kallëzim për ambasadorin e BE, Luigi Soreca, ky kallëzim nuk është dorëzuar ende në këtë institucion.
Burime ekskluzive nga SPAK për Report Tv bëjnë më dije se nuk ka padi kundër Sorecës nga AMT.
Aleanca për Mbrojtjen e Teatrit shpërndau një kallëzim në media, por nuk e ka dorëzuar në SPAK duke mashtruar opinionin.
Më 12 korrik Aleanca për mbrojtjen e Teatrit Kombëtar njoftoi mediat se ka dorëzuar në SPAK një padi për ambasadorin e Bashkimit Europian, Luigi Soreca, të cilin e akuzon se ka tentuar që të ushtrojë ndikim te Gjykata Kushtetuese, për vendimin për çështjen e Teatrit Kombëtar.
I paditur është edhe kryebashkiaku Erion Veliaj. Përfaqësuesja ligjore e Aleancës, Adriana Kalaja, u shpreh për mediat se është e papranueshme që takime të një niveli të tillë, siç ishte ai mes Sorecës dhe kryetares së Gjykatës Vitore Tushe të kalohen në heshtje dhe në fshehtësi.
Por ky kallëzim duket qartë se është një blof për arsye se ambasadori i Bashkimit Europian ka imunitet diplomatik dhe nuk mund të jetë subjekt nga institucionet e vendit tonë.
Avokatja ordinere e dënuar për mashtrim dhe fallsifikim dokumentash, me vendim të formës së prerë, as që e njeh kodin penal, i cili nuk ka asnjë nen që mund të hetoi diplomat, por edhe neni 244/a të cilin kanë përdorur, ka një fuqi vepruese vetëm për shtetas shqiptarë që japin mitë drejtëpërdrejt apo tërthorazi nëpunësve të huaj, pra korrupsion aktiv ose mitdhënie dhe nuk ka asnjë gërmë për mitmarrje dhe asqë përmenden diplomat nga shkalla më e ulët deri tek më e larta.
Ja neni 244/a
Premtimi, propozimi ose dhënia, drejtpërdrejt a tërthorazi, i çdo lloj përfitimi të parregullt, për vete ose për persona të tjerë, nëpunësit të huaj publik, nëpunësit të një organizate publike ndërkombëtare, anëtarit të një asambleje të huaj publike apo anëtarit të një asambleje ndërkombëtare parlamentare, për të kryer ose për të mos kryer një veprim, që lidhet me detyrën a funksionin e tij, dënohen me burgim, nga gjashtë muaj gjer në tre vjet.
Ja kallzimi qesharak që asqëmund të pranohet nga organet e drejtësisë si shkelje ligjore dhe si një iniciativë rronxhobonxhësh rrugësh.
