Monika Kryemadhi ka nisur fjalën e saj me tone patriotizmi në Konventën Kombëtare të LSI duke u frymzuar nga patrioti i madh Like i cili e tha dhe dje se ai do “mbroi” Shqipërinë dhe Kosovën me këmborë duke vendosur dekorata, sepse i vetmi tagër i tij është varje këmborësh për çdo cjap dhe dash që fle në vathën e tij.
Kryemadhi, ndërsa u zotua se LSI kurrë nuk do tradhtojë Shqipërinë, emocionoi gratë ish pushtetare të tepsisë LSI-iste, të cilat shpërthyen në lot kur morën vesh se çfarë sakrifice do bënin për atdheun.
As deputetja Nora Malaj nuk ka mbajtur dot lotët kur kryetarja e LSI tha se partia e saj do luftojë për Shqipërinë, siç lufton për shtëpinë.
Ja si i mallëngjeu gratë patriote të LSI-së doktoresha:
“Partia jonë është ajo parti që asnjë moment s’do tradhtojë gjakun e mijëra grave dhe burrave për Shqipërinë e lirë dhe krenare. Kjo parti nuk do tradhtojë flamurin krenar edhe pse qeveria e rilindjes dhe krimit kërkon që t’i ulë kokën.
Ne nuk tradhtojmë Shqipërinë, atdheun tonë, atë vend që na ka bërë krenarë, që ka mbijetuar me mijëra vite, me shekuj përballë tradhtarëve dhe atyre që kanë përdhosur flamurin tonë. Ashtu sic luftojmë për shtëpinë tonë do luftojmë për Shqipërinë tonë”, tha Kryemadhi.
Por Kryemadhja ngatërron atdheun me feudin, sepse atdheu u kthye në pronë nga LSI, jo për ta bërë krenare, por të pasur. Natyrisht se ashtu siç po luftojnë tek Astiri për shtëpitë e “tyre” edhe Monika betohet se do luftoi…për shtëpitë që i kanë rënë në “pajë”.
Turpi është për njerëz, por të tillë mostra duhet patjetër të ndalohen dhe të kurohen, sepse do na marrin në qafë Norën dhe shoqet e saj, që e kuptojnë shumë mirë se ku e ka hallin Kryemadhja doktorresh, që po i rrezikon të pësojnë atak kardiak për karrigen, që Moni e quan atdhe./Ekskluzive.al
