Pas ngurrimesh, “piruetash”, kërcënimesh dhe kalkulimesh Ilir Meta më në fund e lëshoi autorizimin për ministrin e Jashtëm Ditmir Bushati që ky i fundit të shpallte plotfuqishmërinë e fillimit të negociatave.
Për ata që nuk e njohin në thelb Ilir Metën, mendojnë se këtu përfundoi gjithçka, që nga përplasjet e deri tek kërcënimet.
Me firmosjen e dekretimit të autorizimit mes tij dhe të grupit negociator, përfundoi gjithçka dhe Meta ka rënë në qetësi. Por gjithkush duhet ta harrojë këtë.
Meta e ka gjenetike goditjen pas shpine, goditjen kur mendon se gjithçka është mbyllur. E ka bërë gjithnjë, që kur ka qënë në përplasje me Fatos Nanon në vitin 1995 e vijim. Kur u mendua se u qetësua situata, bashkëpunoi me Sali Berishën dhe i ngopi Fatos Nanos 10 vite burg për ndihmat italiane. Pavarësisht se në Itali ishte mbyllur çështja.
Kështu ka vepruar sa herë që është menduar si e qetë situata dhe në vitin 2003, kur mendohej se u qetësua në vitin 2004, Meta bllokoi qeverinë, u qeveris me zv.ministra dhe në fund shpalli krijimin e LSI. Kështu ka vepruar gjithnjë.
Kështu veproi dhe tani, dekretoi grupin negociator me Greqinë dhe një ditë më pas filloi sulmet një nga një në media ndaj anëtarëve respektivë.
Në fillim sulmoi në median online të Berat Buzhalës negociatorin Artur Meçollari duke e cilësuar si spiun.
Ndërkohë që radha i erdhi ambasadorit shqiptar në Londër Qirjako Qirko. Negociatorin Qirko e quan të papërshtatshëm, të pabesueshëm dhe pa integritet sepse sipas Metës, andej nga viti 1948 xhaxhai i tij është persekutuar nga Enver Hoxhja si spiun i Greqisë.
Shkrimi akuzë u botua tek “Syri.net” nga Presidenti përmes gazetarëve që kanë qënë dhe janë në “borderonë” e tij.
Sipas Metës nuk ka integritet Qirjako Qirko të jetë në grupin e negociatorëve shqiptarë me palën greke. Madje thotë se Qirko ka lidhje me familjen Kapo. Ndërkohë që një nga xhaxhallarët i tij sipas Metës ka qenë zëvendësministër në kohën e Enverit, por është zbuluar dhe dekonspiruar nga sigurimi i Shtetit si “agjent i grekëve”.
Sulmon Qirjako Qirkon që ka 30 vite në diplomaci, ka qënë dhe sekretar i përgjithshëm i Ministrisë së Jashtme, është dhe ambasadori ynë në Mbretërinë e Bashkuar dhe për më tepër ka punuar dhe me Ilir Metën kur ai ka qënë ministër i Jashtëm por dhe në Kryeministri.
Por për Metën kjo “lidhje greke”, sado që në pamje të parë mund të duket e largët përbën një skandal të vërtetë dhe hedh poshtë sinqeritetin, integritetin dhe qëllimet e vërteta mbi të cilat është ngritur komisioni shqiptar, që do të negociojë me palën greke.
Po si qëndron e vërteta për xhaxhain e Qirjako Qirkos si “agjent” grek?
Ai quhej Foni Qirko, ka qënë në luftë partizan, por është goditur në vitin 1948 nga sistemi komunist i atëhershëm as për ndonjë bëmë të madhe për demokraci, as për spiunim në favor të grekëve por thjeshtë dhe vetëm ishte i dhënë pas femrave, madje ishte shumë i sëmurë, një kurvar i pandreqshëm. Ku me gjithë porositë e mundshme dhe vërejtjet nuk hoqi dorë, derisa e degraduan dhe e persekutuan.
Por në të vërtetë Foni Qirko nuk ishte xhaxhai i Qirjako Qirkos por i babait të Qirjakos, megjithëse vetëm Enver Hoxha i ndiqte këto gjëra. Dhe Meta apo portali i Shkelzenit të pyesnin Berishën se çfarë të bënte Enver Hoxha po të të akuzonte si spiun grek apo jugosllav në atë kohë.
Nuk të persekutonte por të ekzekutonte në vend. Për një letër kundër partisë të cilën e çoi te Sigurimi Sali Berisha në atë kohë, dënimi i parë për Hysen Shoshorin ka qënë me vdekje, që ia kthyen me 25 vjet. Jo të ishte spiun i vendeve fqinje, të ikte koka jo persekutoheshe.
Por andej nga Gjirokastra na thonë se gjithçka mund të kishte nga Zagoria, që nga vrasës e deri tek hajdutë, por spiunë grekë jo. Ata kanë luftuar gjithnjë me grekët. Por Meta nuk dëgjon nga ai vesh, sulmon negociatorët me informacionet e Agim Neshos, djalit të Gaqo Neshos, sekretarit të I-rë Kom. Partisë së Tiranës dhe nipi i Vito Kapos, mban afër një spiun të deklaruar rus dhe grek si Arben Cicin, që ka bërë shkollë spiunësh në shërbimin sekret rus, të instaluar në Ministrinë e Jashtme ruse. Të cilët e trajnuan Cicin.
Meta vijon goditjen pas krahëve të negociatorëve dhe tërë grupit për marrëveshjen me Greqinë, nuk e do këtë marrëveshje. As ai dhe as Berisha./Pamfleti.com
