Paloku, deputet i Partisë Demokratike ka reaguar pas vendimit të Kolegjit të Posaçëm të Apelimit, i cili shkarkoi nga detyra ish kreun e Krimeve të Rënda Besim Hajdarmatajn.
Paloka ka thënë se nuk e njeh Hajdarmatajn, por ka shigjetuar KPA se ka dijeni për dy “krimet” e tij.
“Unë nuk e njoh Besim Hajdarmatën dhe nuk marr përsipër as ta mbrojë për çfarë i kanë ngritur si pretendim ata që e shkarkuan sepse nuk kam dijeni për të vërtetën, por kam dijeni për dy “krime” të sigurta të tij:
Vuri në përgjim kriminelët që manipuluan zgjedhjet në Dibër , e famshmja dosje 184, duke nxjerrë zbuluar gjithë kupolën, filluar nga Rama.
Kërkoi arrestimin e Tahirit. Kaq besoj mjafton për t’u larguar nga drejtësia e Ramës”, ka shkruar Paloka në rrjete sociale.
Kllouni Paloka duhet të kuptoi se vënia në përgjim pa vendim gjykata është krim dhe shërbesë nga klani i gështenjave për palokët dhe në fund ishin 14 persona të dënuar si pjesë e PD-LSI nga 21 të akuzuar. Kurse loja me Tahirin shumë shpejt do marri përgjigjie.
E gjithë saga e “Dosjes 184” ka nisur në 19 shtator 2016, pas një kallëzimi të Edi Palokës, për vepra penale të Krimit Elektoral.
Në 23 nëntor 2016, dosjen e merr në dorë prokurori Besim Hajdarmataj, i cili kryen 2 vjet përgjime, deri në 19 shtator 2018. Pas përgjimeve, janë regjistruar emrat e 7 personave dhe nuk është kryer asnjë veprim për ti shoqëruar.
Në datën 20 Janar 2017, ka nisur tanskriptimi i përgjimeve të “Dosjes 184”, dhe ka vazhduar deri në shtator të 2018, shkruan gazeta SHQIP. Në ktë periudhë kohe, janë kryer disa veprime të pjesshme hetimores sipas urdhërit të prokurorit Hajdarmataj. Pas kësaj, prokurori i çështjes, Besim Hajdarmataj, transferohet në Pogradec dhe çështjen e merr Klodian Braho.
Në tetor 2018, Klodian Braho urdhëron transkiptimin e plotë të CD-ve dhe verfikimin e rrethanave të ngjarjes. Skandali thellohet më tej, pasi në kohën kur Hajdarmataj u largua nga Krimet e Rënda, ai dorëzoi një inventor të njëanshëm, duke dorëzuar zbardhjen e përgjimeve, por jo CD origjinale.
Në datën 8 shkurt 2019, pra 5 muaj pasi u largua, Besim Hajdarmataj dorëzon 57 CD. Pikërisht këtu lind edhe dyshimi, se audio-përgjimet mund të kenë mbërritur në zyrën e Partisë Demokratike.
Është e njëjta skemë si në “Dosjen 339”, ku edhe aty ishte i përfshirë Besim Hajdarmataj.
