Ai është kthyer në protagonist për Brazilin në Kampionatin Botëror që po mbahet në Rusi, por para më shumë se një dekade Thiago Silva ishte një hap larg nga vdekja, pasi kishte një sëmundje të rëndë, turbekuloz.
Mbrojtësi i PSG u diagnostikua me infektimin bakterial, sa ishte në Dinamo Moskë në vitin 2005.
Ishte vetëm 21 vjeç, kur Silva u shtrua në spital. Për gjashtë muaj mjekët rusë e trajtuan atë për gjendjen e rëndë në të cilën ndodhej, pasi sëmundja kishte avancuar, kishte nisur 6 muaj para se sa të zbulohej nga mjekët.
Tuberkulozi ishte shumë i avancuar, madje doktorët e konsideronin heqjen e një pjese të mushkërive për të siguruar mbijetesën e tij.
Por nëna e tij, Angela dhe bashkëshortja, Isabelle, nuk pranuan që lojtari të operohet, pasi operacioni do t’i kishte dhënë fund ëndrrave të Silvas që të behej yll i futbollit.Operacionin do ta kishte përfunduar karrierën time, kisha nevojë për engjëj mbrojtës.
Por fatmirësisht Thiago Silva u shërua, ai vazhdo të lulëzojë dhe konsiderohet se një nga mbrojtësit më të mirë të brezit të tij.
Silva ndaj Serbisë e shënoi golin e dytë për Brazilin, duke e kaluar si të parin në grup.
Ai kërkon lavdinë në vendin ku mund edhe të vdiste. Braziliani vazhdon ta mbajë ëndrrën gjallë, me një lojtar lider dhe skuadër të fortë.
