Kryetarja e LSI, Monika Kryemadhi pasi priti gjithë verës në heshtje për një pakt të mundshëm me Ramën, tashmë që Rama dhe Basha duket se i kanë kthyer shpinën ka shpërthyer para të rinjve të LRI në kampin e Jalës.
Në fjalën para tyre ajo tha se ata kanë një mision për të ndryshuar elitat politike në vend.
“Jeni shumë të vegjël, por jeni dhe shumë të fortë. Ky grup mjaft modest arriti kulimin e ti, me pasion dhe me forcën për të cilin të gjithë kemi nevojë. Dua të them se ky grup modest i juaj, që brenda vetes na entuziazëm, ju thatë një njeri që mund të ndryshojë botën duke u dhënë shpresë të tjerëve. Ëndrrat janë ato që ndryshojnë botën dhe jetën tonë, janë motivi që inspirojnë motivin për të ardhëm e tyre. Sot jemi në një demokraci të pa konsoliduar, fantazmat e diktaturës po shfaqen në formën e bandave. Nëse në komunizëm përplaseshim me Sigurimin e Shtetit, sot përballemi me diktaturën e drogës dhe të krimit, që është më e fortë. Kjo diktaturë po mbështetet nga narko-shteti”, tha ajo.
Kryemadhi ka ftuar të rinjtë të dalin në protesta kundër qeverisë, që sipas saj po poshtëron shqiptarët dhe të ardhmen e rinisë shqiptare.
“Një qeveri që ndjen kënaqsi kur varfëron popullin, bizneset, kur mashtron popullin e shqiptar, ndjehet krenare që poshtron shqiptarët dhe fëmijët që ne i kemi problem kush na e i prek dhe poshtëron meriton përçmim”, tha ndër të tjera Kryemadhi.
