Begaj do të jetë Presidenti i tetë i Republikës së Shqipërisë post komuniste.
Gjatë betimit të tij morën pjesë mazhoranca qeveritare, ku në sallë ishin deputetët e shumicës, por edhe kryeministri Edi Rama bashkë me ministrat.
Ndërkohë që të pranishëm në seancë ishin gjithashtu ish-kreu i PD, Lulzim Basha, kreu i grupit parlamentar demokrat Enkelejd Alibeaj dhe deputetët, Bujar Leskaj, Ervin Salianji, Grida Duma, Oriola Pampuri, Xhalal Mziu, Ina Zhupa, Dhurata Çupi, Ferdinand Xhaferri, Jorida Tabaku, Arbër Agalliu, Agron Gjemarkaj.
Gjithashtu të pranishëm në seancë ishin dhe kryetarja e LSI, Monika Kryemadhi si dhe deputetja Erisa Xhixho. Mungonte Saliu me Mulin dhe saliarët dhe për këtë gati sa nuk “shpërtheu” në lot Presidenti i ri.
Bajram Begaj ka mbajtur fjalën e parë si president në Kuvendin e Shqipërisë pas betimit përballë deputetëve.
Ai tha se maxhoranca dhe opozita duhet të gjejnë rrugën e bashkëpunimit përpara konfliktit duke theksuar se po jetojmë një periudhë të vështirë për shkak të luftës në Ukrainë.
“E nderuar zonja kryetare e Kuvendit, i nderuar zoti kryeministër, të nderuar ministra, deputetë, ambasadorë, përfaqësues të komuniteteve fetare, të dashur qytetarë! Është nder për mua t’i drejtohem Kuvendit si president i republikës. Jam i vetëdijshëm se mbi privilegjin e Presidentit të Republikës, rëndon përgjegjësia e unitetit kombëtar.
Shqipëria jonë e dashur ka hyrë në një rrugë të pakthyeshme europiane. Shqipëria europiane sot premtim dhe nesër realitet është kurora e ëndrrës më të bukur, është përmbushja e ëndrrës shekullore dhe bekimi i së ardhmes. Unë e njoh dhe mbështes opozitës shqiptare. Shqipëria dhe shqiptarët janë rreshtuar në anën e duhur.
Unë e njoh dhe e mbështes punën e qeverisë dhe opozitën shqiptare. Do dëshiroja të mos shihet asnjëherë konflikti para bashkëpunimit,. Periudha që po jetojm është një nga më të vështirat që pas luftës së dytë botërore. Presioni rus e ka futur vendin në një tjetër krizë.
Shqipëria dhe shqiptarët janë rreshtuar në krahun e duhur përkrah aleatëve. Duhet të respektojmë vendimet, të mos i shmangemi detyrave dhe të mos përfitojmë nga momentet e vështira. Vetëm kështu respektojmë shpresën e qytetarëve tanë”, deklaroi Begaj.
