Gazeta Sot nga një media me reputacion e dhe e konsoliduar është kthyer në një kazan të mediatik ku mund të lexoni gjithëfarë çudirash, që çdo ditë mbushin faqet e kësaj medie, e kthyer në portal On line.
Mund të lexosh gjith tufën e lehsave, që kanë rënë nga fiku dhe kanë mbetur pa kocka, e deri tek ata që kanë dëgjuar dhe mësuar se çfarë është pushteti dhe e kanë ëndërr, që nga vipat qesharak që paskan mort se u ka ngordhur qeni, e deri te sallami dhe salçija që ha një moderatore, që është e njohur për vulgaritetin dhe idiotësitë e saj publike, që ta shpif vetëm ta shikosh në surrat. Krahas kesaj SOT flet dhe për gjëra që i interpreton sipas oreksit.
“Sot”, sot mburrej se kishte shpifur për pasurin e Pandeli Majkos i cili e përgënjështron lajmin sipas natyrës së tij:
Ministri për Diasporën, Pandeli Majko, ka reaguar pas lajmit të publikuar në artikullin e gazetës “SOT” lidhur me të ardhurat e tij, shitjen e shtëpisë për 20 mijë euro dhe blerjen e një tjetre për 232 mijë euro.
Majko me anë të një postimi në rrjetin social, ku ka shpërndarë artikullin e gazetës tonë ka zbuluar pse ka vendosur të shesë shtëpinë e tij, dhe të akomodohet më pas në një banesë tjetër.
Ministri u shpreh se nuk e ka ndryshuar shtëpinë për biznes, por për shkak të sigurisë së familjes së tij, pas kërcënimeve që ka marrë nga Irani rreth dy vite më parë.
Postimi i plotë:
Lexova se Gazeta “SOT” kishte botuar dokumentacionin deklarimit tim për të ardhurat pranë Inspektoratit të Deklarimit dhe Kontrollit të Pasurive .
Sipas artikullit kisha shitur një shtëpi për 20 mijë euro(!) dhe kisha blerë një tjetër 232 mijë euro… Duket qartë që ka pasur mungesë të verifikimit të dokumentave ligjore. Qartazi, vlera e shtëpisë së shitur në qendër ka mbuluar vlerën e shtëpisë së blerë përtej unazës së madhe të kryeqytetit.
Shtëpinë ku banoja më parë nuk kam pasur ndërmend ta shes. Ndryshimi i banesës ndodhi thuajse para një viti. Arsyeja e vetme për ta ndryshuar shtëpinë nuk është “biznesi” por ishte siguria e familjes pas kërkesës nga agjenci mike. Kjo e fundit është një fakt i cili është publikuar.
