Duke mbetur veçse pak ditë nga e diela e zgjedhjeve të 11 majit, Monika Kryemadhi ka dhënë sinjale në mbështetje të presidentit të PL-së Ilir Metajt, i cili kandidon në këto zgjedhje në listat e hapura.
Mbështetja e Kryemadhit për Metën vjen pak pasi ajo sulmoi ashpër sekretarin e Përgjithshëm të PL-së Tedi Blushin, duke e akuzuar atë për shkatërrimin e partisë.
Në statusin e saj në rrjetet sociale, Kryemadhi shkruan se ndihet mirënjohëse për këdo që e mbështet familjen e saj në këtë fushatë të vështirë.
Mesazhi i Kryemadhit është shoqëruar me një video, ku një vogëlushe thërret në mbështetje për fitoren e Ilir Metajt.
Postimi i Monika Kryemadhit:
Asnjëherë nuk është mjaft për të thënë atë që ndjen, atë për të cilën beson në veten tënde por edhe tek njerëzit që të duan dhe të kanë dashur pa interes.
Për të gjithë ju miqtë e mi të rinj e të vjetër ngado që jeni faleminderit për mbështetjen e mrekullueshme që iu jepni fëmijve të mi në këtë fushatë të vështirë për ta.
Zëri juaj është kudo në çdo gërmë të mesazheve tuaja të jashtëzakonshme në vërtetësinë e tyre sepse sot më shumë se kurrë mirënjohja ime me ju është pafund. Faleminderit! Voto 1 Voto Ilir Metaj
