“Lulzim Basha është në një pikë kritike të karrierës së tij ku nuk bën dot as sikur”.
Kështu u shpreh sot ish deputeti i PD Astrit Patozi ku foli per statutin e ri te PD.
“Ajo që pashë në statut ishin disa koncepte bazë që i kanë të gjitha statutet e botës, dhe s’kishte asgjë të re, për të mos thënë që kishte një moment kur sanksionet ndaj atyre që kishin një mendim alternativ ishin më të forta se ato që kanë aktualisht.
Atë statut e konsideroj kalcifikim të pengmarrjes së PD, po përdoret si artificë për të krijuar iluzionin se PD po bën një përpjekje reflektuese pas një periudhe të gjatë regresi, tentohet t’i serviret një pseudoreflektim që nuk po ndodh.
Si zgjidhet se cila është është garancia që nëse ky statut shkelet si statuti i mëparshëm, këtë nuk e di, ne kemi një statut shumë të mirë, por askush se pengoi zotin Basha që të kishte zgjidhje personale, marreveshje dhe listë personale.
Edhe ky statut të ishte më i miri, sikur të ishte më i miri do ishte të prisje 3 vjet Bashën për ta zbatuar, sprova do ishte a do e zbatojë pas 3 vjetësh pa asnjë garanci.
Anëtarëve të PD se kanë me kaq nge sa të presin edhe 3 vjet Bashën që ta katranosi edhe më keq PD”.
