Garda e vjetër në PD, e cila para dy vjetësh u la jashtë partisë dhe u syrgjynos nga kryetari i Partisë Demokratike, Lulzim Basha ka shpërthyer ditën e djeshme në akuza ndaj këtij të fundit. Ka qenë ish-nënkryetari i PD, Astrit Patozi, i cili ka kritikuar ashpër dje kryedemokratin Basha, duke e bërë përgjegjës kryesor që Shqipëria gjendet në një vorbull të madhe.
Teksa ishte i ftuar në një studio televizive, për të komentuar protestën e djeshme të opozitës, Patozi deklaroi hapur se protestat e opozitës po rrudhen nga dita në ditë dhe sipas tij, po i ngjan asaj të “Astirit”, jo vetëm për nga numri i ulët i protestuesve por edhe sa i takon interesave që i nxjerrin ata në rrugë.
“Protesta e opozitës po shndërrohet në një protestë “Astiri”, pra të një grupi që ka një problem por që nuk afekton shoqërinë shqiptare”, deklaroi ai. Sa u përket djegies së mandateve, Patozi deklaroi dje se aq dinin dhe aq bënë dhe se ky veprim ekstrem është perceptuar nga populli si një hall personal i Bashës. “Nuk besoj se ka bërë gjënë e duhur por ka bërë aq sa di dhe aq sa mundet.
Pas vendimit ekstrem për djegien e mandateve, Basha është munduar të ngrejë një vorbull në Shqipëri. Perceptimi i publikut është se ky është nj hall personal i tij. Basha duhej të ishte i përgjegjshëm që të mos mendonte se djegia e mandateve është leva e Arkimendit në politikë”, u shpreh ai. Më tej, Patozi uroi që “ish-shtëpia”, e tij politike, siç e quan ai selinë blue, të kuptojë gabimin në kohë. Sipas tij, vetë Basha akoma nuk ka asnjë shenjë pendese, pasi tashmë është “vetëvrarë”.
“Uroj që PD ish-shtëpia ime politike të zgjohet dhe së pari të kuptojë që ky ishte gabim. Unë nuk shikoj pendesë tek Basha dhe as mund të presësh pendesë nga një njeri që kalon në vetëvrasje”, ka thënë Patozi, ndërsa ka argumentuar faktin se përse ndërkombëtarët ia kanë mbyllur derën kreut të PD-së”, tha ish-deputeti. Ndërkohë, Patozi tha se Basha nuk duhet t’iu kërkojë ndihmë ndërkombëtarëve për diçka që si ka pyetur më parë.
“Basha nuk mund të gjejë asnjë derë hapur në perëndim hapur edhe sikur të trokiste në derën e Kim Yong-un, nuk do të gjente miratim për këtë gjest që ka bërë. Basha po kërkon oksigjen për të mbajtur veten gjallë, pas një aksioni politik që ka marrë unë e shoh të dëshpëruar”, nënvizoi Astrit Patozi, një nga figurat më të njohura të “disidentëve” që janë larguar nga Partia
