Partia Demokratike njoftoi dje se ditën e sotme do të propozojë në Kuvend disa amendamente kushtetuese që mundësojnë zbatimin e procesit të vetingut edhe për politikanët dhe zyrtarët e lartë publikë. Njoftimi për veting në politikë nga ana e PD u bë menjëherë pasi Basha shpalli në Elbasan katër objektivat e platformës së re të opozitës.
Sipas selisë blu, iniciativa e shtrirjes së vetingut në politikë ka ardhur si rezultat i krimit dhe korrupsionit që ka përfshirë zyrtarët e lartë. “Ligji i propozuar nga Partia Demokratike për realizimin e vetingut edhe ndaj deputetëve, kryeministrit, ministrave, kryetarëve të bashkive dhe drejtuesve të institucioneve kushtetuese, është një mundësi reale për fillimin e çlirimit të qeverisjes nga krimi.
Ai zgjidh fenomenin e hasur pas miratimit të ligjit të dekriminalizimit, atë të zëvendësimit në institucionet shtetërore të vetë eksponentëve të botës së krimit, me individë të lidhur drejtpërdrejtë, në shërbim apo të caktuar prej tyre”, njoftoi PD.
Më tej, PD theksoi në deklaratë se kërkon që ligji të përkrahet nga të gjitha forcat politike në Kuvend dhe të votohet sa më shpejt. “Opozita kërkon miratimin e këtij ligji, pa asnjë vonesë, me qëllim zbatimin e menjëhershëm, duke i hapur rrugë kështu procesit të vetingut për të gjithë politikanët në detyra shtetërore dhe zyrtarët e tjerë të lartë publikë duke përjashtuar ish politikanët pa detyra shtetrore. pra veten.
Partia Demokratike kërkon që ligji të përkrahet nga të gjitha forcat politike në Kuvend, si një tregues i vullnetit të tyre të sinqertë për dekriminalizimin e plotë të politikës, vetingut ndaj çdo funksionari kushtetues, dhe mospërdorimit të krimit për të ardhur në pushtet apo mbajtur pushtetin”, njoftoi PD.
Kjo është një tjetër farsë politike e PD dhe LSI ashtu si ligji i dekriminalizimit, që u mor me vepra penale ordinere pa asnj♪7 peshë në figurën e3 një politikani dhe të rehabilituuara prej shumë vitesh dhe la në politik kriminelët e vërtet, të të gjitha ngjyrave, që nga hajdutë milionash e deri tek vrasësit e pagjykuar.
