Partia Demokratike i është kundërvënë kryetari të Bindjes Demokratike Astrit Patozit, pas deklaratës se deputetit Lefter Koka dhe Andi Përmetit, që tashmë janë pjesë e BD-së.
PD i përvishet Patozit, teksa pretendon se deputetët të cilën i quan fallco apo të marrë me qera, janë të paligjshëm. Por vetëm pak minuta pas publikimit në faqen zyrtare të PD në Facebook, kjo deklaratë u fshi.
Deklarata e plotë:
Reagim i PD për deklaratën e gënjeshtërt të Kryetarit të Bindjes Demokratike, Astrit Patozi:
Asnjë justifikim me deputetë fallco apo të marrë me qera nuk mund ta mbulojnë faktin se aktorët e Edi Ramës, të rregjistruar si kandidate me siglën e paligjshme të Bindjes Demokratike, janë gjithashtu të paligjshëm.
Shërbëtori i bindur i Edi Ramës nuk zotëron një mandat deputeti në Kuvend dhe për pasojë duhet të kishte firma mbështetëse të qytetarëve për të regjistruar kandidatë në zgjedhje.
Mbështetja nga një deputet që nuk është deputet i tij, si në rastin e Lefter Kokës, nuk ka vlerë ligjore. Partia “Bindja Demokratike” nuk ka 6 muaj që është krijuar e jo më të zotërojë për të paktën 6 muaj një mandat deputeti në Kuvend.
Me apo pa parti e kandidatë fallco, votime moniste më 30 Qershor nuk ka për të patur!
