Lulzim Basha ka zhvilluar sot një sërë takimesh me bizneset dhe me qytetarët në Tiranë, të cilët i ka ftuar të marrin pjesë në protestën e 16 shkurtit.
Basha është takuar me një sipërmarrës në fushën e shërbimeve Call Center, të cilit i ka shpjeguar planin e ekonomik të PD-së.
Sipas Bashës do të ketë ulje të taksës së sheshtë, e cila do të bëhet 9%, taksat e sigurimeve shoqërore do të bëhet 9 për qind për punëdhënësin dhe po aq për punëmarrësin.
Ndërkohë që premtim tjetër ka qenë dhe ulja e çmimit të karburantit me 300 lekë.
“Do të keni taksë të sheshtë 9%, tatimi i fitimit dhe taksa e kontriburit shoqëror që do të jetë 9% punëdhënësi, 9% punëmarrësi. E dyta, është ulja me 300 lek e çmimit të karburantit që vetëm për rrugë nuk shkon. Do të rivendosim fashën për shpenzimin e energjisë. Për biznesin riprodhues ulet me 30-40% të çmimin të energjisë, për biznesin e vogël 20% dhe për konsumatorët.
Janë tre shtrëngesa shumë të mëdha që po i merr buxheti i shtetit por që nuk po kthehet në investime. Këto janë gosti për 5 oligarkë. Oferta jonë është kjo: Qeveria ka marrë paratë për oligarkët, ne do ia marrim oligarkëve dhe do ia kthejmë ekonomisë dhe njerëzve. Prioritet është punësimi si politikë e parë dhe objektiv i parë i Partisë Demokratike”, ka thënë Basha.
