Për herë të parë në 96 vjet histori, ceremonia e ndarjes së çmimeve Oscar është në prag të anulimit për shkak të zjarreve shkatërruese që kanë përfshirë Los Angelesin.
Komiteti zyrtar i Akademisë së Akademisë po monitoron situatën çdo ditë, me yjet si Tom Hanks, Emma Stone, Meryl Streep dhe Steven Spielberg që janë të informuar mbi situatën.
Një i burim tha për “The Sun” se: “Shqetësimi kryesor i bordit në këtë kohë është që të mos duken sikur po festojnë ndërkohë që shumë nga Los Angelesi po përballen me dhimbje dhe humbje të paimagjinueshme.
Dhe sigurisht, edhe nëse zjarret do të shuheshin javën e ardhshme, realiteti është se situata në qytet është e rëndë dhe do të përballet me atë dhimbje për muaj të tërë. Kështu që hierarkia vendosi që fokusi do të jetë mbështetja dhe mbledhja e fondeve kur të paraqiten mundësitë e duhura”.
Nga zjarret në Kaliforni kanë vdekur rreth 25 persona por kjo shifër pritet të rritet, teksa shërbimet e urgjencës po kërkojnë nën rrënoja.
Më shumë se 200,000 banorë janë detyruar të largohen nga shtëpitë e tyre, me 88,000 ende nën urdhrat e evakuimit. Shkatrimet që ka sjellë zjarri ka cuar në vendosjen e një strategjie emergjente për anulimin e ceremonisë së Oscars më 3 mars.
