Prapaskena disponon një dosje voluminoze dhe tronditëse, me video, përgjime dge dokumente mbi veprimtarinë kriminale të Anesti Topit në malin e Gostenckës në Skrapar, duke e shfrytëzuar për mermer, pa leje ose me leje false, pa plotësuar asnjë kusht, dhe mbi të gjitha mbi një pronë me status pyll/kullotë me pronarë të njohur nga gjykata.
Që nga viti 2014, Anesti Topi ‘kafshon’ malin për mermer përmes kompanisë graiqare Topi EKI, me nipt: J82916504G, duke blerë shefat e komisariatit në Skrapar, prokurorë, kryebashkiakët e Skraparit, ministra dhe ish ministra, segmente të Ministrisë së Mjedisit etj.
Sot po publikojmë një nga audio përgjimet, ku Anesti Topi shpreht se nuk pyet as për ministêr, as për polici dhe as për shtet, dhe se është vetē shteti mbi pronën që tjetrit.
Teksa përfaqësues të pronarëve i tregojnë letrat dhe përgjigjet e ministrit të Mjedisit, i cili konfirmon se kompania Topi EKI nuk është e autorizuar për të shfrytëzuar malin e Gostenckës në Skrapar, Anesti Topi sillet si pronar dhe deklaron se nuk pyet për shtet ligjor.
Ai gjithashtu kërcënon me jetë pretendentët e pronës, ndërsa me mermerin e grabitur ka ndërtuar vilat e pushtetarëve të korruptuar nga Palasa në Tiranë, si qoka në këmbim të heshjes ndaj krimit mjedisor dhe vjedhjes së pasurisë nëntokësore në Skrapar.
Së pari, zona e shrytëzuar për mermer nga Anesti Topi i përket familjes Jaupaj, trashëgimtarëve të Tefik Bektash Jaupajt, të cilët janë në procese gjyqësore për të marrë në dorëzim pronën. Ligji ndalon rreptësisht shrytëzimin e zonave ku ka pretendime pronësie dhe që janë në procese gjyqësore për pronësinë.
Së dyti, duke mos plotësuar kushtet bazë, kompania nuk ka dokumentacion të rregullt, as leje mjedisore, për të shfrytëzuar pronën private të dikujt tjetër, me status juridik pyll dhe kullota.
Së treti, biznesi i nxjerrjes dhe përpunimit të gurit në Gostenckë, jashtë çdo kontrolli, po lë pasoja të pariparueshme në ekosistemin, habitatet natyrore dhe peizazhin e zonës, me qëllim fitimin e grupi të ngushtë.
Së katërti, kompania Topi EKI është skeduar për krime mjedisore. Ministria e Mjedisit i ka anuluar lejen mjedisore në vitin 2018, pasi shfrytëzonte në zona të tjera gurin jashtë koordinatave, pa plotësuar kushtet për rehabilitimin e zonës, për ndotje etj.
Së pesti, të dhënat tregojnë se kompania Topi EKI nuk paguan tatime, manipulon bilancet, fryn shpenzimet dhe pastron para.
Anesti Topi do arrestohej brenda disa orëve dhe zona do të rrethohej me shirit krimi, nëse nuk do të kishte mbështetje të trukturave të korruptuara ligjzbatuese.
Shefi aktual i komisariatit të Policisë së Skraparit, me mosveprimin e tij ndaj një krimi në një territor që mbulon, po bëhet palē me krimin.
Ftojmë SPAK-un të nisë hetimet kryesisht. Vijon me dokumente dhe videoje korrupsioni…
