Për kreun e Partisë Demokristiane Nard Ndoka, ish-kryeministrit Sali Berisha nuk i prishet asnjë punë për faktin se është “non grata” nga SHBA-të, pasi sipas tij ish-lideri historik i PD-së ka qenë disa herë atje për ta vizituar.
Ndërkohë sipas Ndokës, nëse do të kishte probleme ligjore të Berishës, dosja mund të vinte nga SHBA në SPAK për tu gjykuar.
Ndoka ka theksuar se përderisa nuk ka sot një vendim të gjyqësorit, çdo njeri nuk mund të pengohet në aktivitetin e tij politik
“Zoti Berisha është një politikan, deputet i Kuvendit të Shqipërisë, është lideri historik i një partie politike, nëse ai ka probleme që nuk lejohet të hyjë në SHBA besoj që nuk i prish ndonjë punë të madhe për t’a vizituar për faktin se ka qenë disa herë atje, në qoftë se ka probleme ligjore, legale SPAK-u është produkt i SHBA-ve ajo dosje mund të vijë dhe të gjykohet, kur drejtësia të flas heshtim të gjithë ne, heshtin edhe militantët. Përderisa ne nuk kemi sot një vendim të gjyqësorit besoj që çdo njeri nuk mund të pengohet në aktivitetin e tij politik” tha Ndoka për ABC News.
