Ish-sekretari i Ministrisë së Bujqësisë, Vojo Bregu, është kallëzuar në Prokurori për afera korruptive, gjatë kohës kur ushtronte detyrën, institucion që në atë kohë drejtohej nga Edmond Panariti. Kontrolli i Lartë i Shtetit ka konstatuar shkelje rënda ligjore në prokurime të zhvilluara kryesisht me negocime pa shpallje paraprake dhe fond 525 milionë lekë pa TVSH.
Në dosjen e SPAK-ut thuhet se nga tenderat e bëra nga Vojo Bregu rezulton se në të gjitha procedurat është shpallur fitues bashkimi i operatorëve ekonomikë “Arli International” dhe “Genap Group“. Të gjitha këto mangësi nuk janë reflektuar nga Kryetari i AK i cili ka miratuar në kundërshtim me Parashikimet e ligjit Nr 9643 datë 20.11.2006 “Për prokurimet publike” i ndryshuar”, thuhet ndër të tjera në kallëzim.
Në këto praktika është konstatuar se përllogaritja e fondit limit, edhe pse procedura me objekt të njëjtë ka qenë e ndryshme dhe ka ardhur në rritje nga praktika në praktikë, si dhe nuk është ndjekur një metodologji e përcaktuar për përcaktimin e çmimit të tregut.
Mirëpo SPAK i Krajës e ka harruar dosjen në sirtar dhe Vojo Bregfu gjen kohë të bëjë humor me zëvëndësuesit e tij,
Zyrtari i Monikës Vojo Bregu ka ndarë në rrjetet sociale një video të zv.ministres së Bujqësisë, Ermira Gjeçi, e cila thotë se prodhimi blegtoral në vend është përgjysmuar pasi në sistemin e regjistrimit të kafshëve, ka kafshë që janë nga 30-40 vjeçe.
Me ironi Bregu shkruan, “zv.Ministrja nuk e di që dhe po të jetojnë aq sa e di ajo (mirë do ishte në fakt) nuk kanë si të jenë në sistemin RUDA (sistemi i rregjistrimit te kafshëve) pasi ai sistem është bërë funksional në vitin 2011, pra prej vetëm 10 vjetësh.”
Shkruan Vojo Bregu:
Perla e rradhës nga zv. Ministrja e Bujqësisë.
Pasi na mësoi para ca vitesh që nqs në djathë ka allçi, djathi nuk pritet, dhe nqs ka niseshte djathi pritet, zv. Ministrja na shpjegon në mënyrë shteruese, arsyen pse blegtoria nga viti 2017 deri në vitin 2021 është përgjysmuar dhe ka shkuar pikiatë.
Ajo thotë se arsyeja e vetme pse blegtoria ka rënie, është fakti që lopë 30-40 vjeçare nuk janë hequr nga sistemi i rregjistrimit të kafshëve.
Zv. Ministrja nuk e di që dhe po të jetojnë aq sa e di ajo( mirë do ishte në fakt) nuk kanë si të jenë në sistemin RUDA( sistemi i rregjistrimit te kafshëve)pasi ai sistem është bërë funksional në vitin 2011, pra prej vetëm 10 vjetësh.
P.S. Zv. Ministrja në fjalë është përgjegjëse për blegtorinë dhe sigurinë ushqimore.
