Babai i dosjeve Sali Berisha ka dhënë një intervistë në emisionin Politiko ku ka zbuluar se 30 prokurorë evropianë ndodhen aktualisht në Tiranë për të transkriptuar telefonat e koduar të njohur si BQ.
Berisha tha se në ditët në vijim pritet të ketë zhvillime të rëndësishme, pasi po hetohen dosje përvëluese për politikanë në Tiranë, Shkup dhe Beograd.
“Në Tiranë janë 20-30 prokurorë evropian, kanë disa ditë këtu. E keni dëgjuar ju atë historinë e telefonave BQ. 30 prokurorët kanë dosjet më përvëluese për Tiranën, për Beogradin dhe për Shkupin. Unë nuk e di të jetë i përfshirë Basha. Nuk di të ketë pasur telefon BQ.
Kur unë ia shihja, në parlament thosha kush e di pse mbajnë dy telefona, ato paskan qenë telefona të tillë. Atyre po u lëviz tepeleku tani. Janë disa emra, janë socialist.
Qeveritë e Beogradit, aty ka akuza nga më të rënda, gjithashtu dhe qeveria e Tiranës dhe e Shkupit. Po punohet ditë e natë për transkriptin me një numër të madh përkthyesish. Nuk ka parë Tirana kurrë më parë një numër kaq të lartë prokurorësh të huaj”, tha Berisha.
