Nga Durim Madhi
Të bënë vërtetë habi, se si një parti, e cila ka drejtues me integritet të cunguar, kërkon me dhunë të propogandojë idetë e tyre ‘cunge’, njësoj sikurse mendimi i tyre. Kur e gjithë bota, nga perëndimi deri në lindje, ka ndërmarrë një fushatë të fuqishme sensibilizuese kundër ‘bulizmit’ (sjellje e dhunshme, poshtërim, fyerje të vazhdueshme ndaj një njeriu dhe grupeve të ndryshme shoqërore), në vendin tonë të çudirave ndodh krejt e kundërta.
Bulizmi, sikurse dhe në mëndësinë e vendeve shumë të zhvilluara, që dalin jashtë ‘konceptit-kompleks Tritan’ për të kuptuar botën, ka format dhe përmasat e tij, si ai verbal, fizik, psikologjik apo edhe seksual. Këtë dhunë, kanë tentuar të sqarojnë edhe autorët e ‘megaskandalit’ të fushatës sensibilizuese anti-bulizëm, të bërë nga komuniteti ‘LGBT’, ‘fatkeqësisht’ vetëm për anëtarët e tyre, nëpër shkollat e mesme në Tiranë.
Lajmi i trishtë në këtë histori është, se në vendin tonë, i vetmi komunitet që mbron shëndetin mendor dhe fizik të pjesëtarëve të tij, është ai LGBT. Nëse të gjitha komunitetet me devijime fizike, në ngjyrë apo formë, devijimeve psikologjike, sikurse janë personat me aftësi të kufizuar, seksuale sikur janë ato të LGBT, do të mbronin shëndetin mendor të pjestarëve të tyre, kjo nuk do të thotë, se ato që i dëgjojnë, do të kthehen pjesë përbërëse e komunitetit të tyre. Të mendosh një gjë të tillë, duhet më e pakta, të të trajtojnë si pacient të sëmurë mendërisht dhe më e shumta të të mbyllin në një spital psikiatrik!
Të pretendosh, se të mbrosh nga bulizmi një fëmijë rom, një fëmijë mbipeshë, një me sindromën down… apo një person të ndryshëm nga ty, që ulet në klasa apo banga të përbashkëta shkollore, na qenka ‘krim shoqëror’, këtë mund ta pretendoj vetëm doktor Tritani dhe moralistët e kallëpit të tij.
Është për të ardhur keq, kur mendon se mjeku Tritan, nuk e kupton ende rëndësinë e luftës kundër bulizmit dhe ndikimin e tij në formimin psikologjik të një adoleshenti, vetëm për të krijuar protagonizëm në politikë, duke shkelur ‘urdhërin e mjekut’.
Viktimë e bulizmit ka qenë dhe Tritani, por jo si nxënës në bankat e shkollës, por si tifoz i ekipit të Preshit në stolat e stadiumit. Me sa duket, Tritani nuk ka hallin e komunitetit LGBT, por sa herë dëgjon veprime bulizmi, i kujtohen shkallët e stadiumit, ku kreu specializimin e fundit të tij në mjekësi.
Bulizmi nuk është çështje të pasmesh, është çështje mendimi. Ndryshimi i Tritanit me anti-bulistët është, se mjeku ndryshe nga të tjerët… mendon me by**ë!
