Pak histori për një ish-ministër në tre kohë
Lëvizja Socialiste për Integrim, pas tetë vitesh pjesë e pushtetit, një herë në koalicion me Berishën e pastaj në koalicion me Ramën, ku grabitën ç’ju doli para, sot është në opozitë.
Një ndër zërat më “të fortë” opozitarë, që nuk le njeri pa akuzuar duke bërë edhe rolin e “shenjtorit” është edhe kreu i grupit parlamentar të LSI, Petrit Vasili.
Nuk ka ditë që Vasili të mos denoncojë në faqen e tij në rrjetet sociale, apo në konferenca shtypi korrupsionin qeveritar, qoftë në Shëndetësi apo qoftë në Drejtësi.
Pjesë e pushtetit të Ramës për katër vite, Vasili e mbylli “sqepin”, ndërsa tani rastëisht e ka kuptuar se kush qenka Edi Rama.
Por, kush është Petrit Vasili në politikë?
Në të gjithë karrierën e tij politike, Petrit Vasili ka mbajtur jo pak poste të larta politike si zv.ministër, Ministër Shëndetësie në qeverinë Meta, “Berisha 2” dhe ministër Drejtësie në qeverinë “Rama 1”.
Gjatë viteve 2001 – 2003 ka ushtruar detyrën Zëvendës Ministër i Shëndetës
isë.
Nga shtator 2009- qershor 2012 ka mbajtur postin Ministër i Shëndetësisë.
Në 30 dhjetor 2017 kryeministri Edi Rama firmosi lirimin nga detyra të Ministrit të Drejtësisë në atë kohë, Ylli Manjani dhe emërimin në këtë detyrë të Petrit Vasilit, detyrë të cilën ky i fundit e mbajti vetëm për disa muaj.
Me 5 maj 2017 u emerua kryetar i Levizjes Socialiste per Integrim (LSI) pas zgjedhjes se Ilir Metes president i Republikes se Shqiperise.
29 Qershor, 2017, Petrit Vasili është dorëhequr nga drejtimi i LSI, drejtimin e së cilës më pas e mori Monika Kryemadhi. Aktualisht Petrit Vasili është kryetar i grupit parlamentar të kësaj force politike.
Në vitet 2009-2012, kur Vasili ishte Ministër i Shëndetësisë nën “çadrën” e pushtetit të PD, opozita e asaj kohe PS, denoncoi faktin që ministër Vasili kishte krijuar një rrjet korrupsioni e kontrabande edhe ilçesh të skaduara që futeshin në shëndetësi, në favor të kompanisë farmaceutike “MEGAFARMA”, një nga kompanitë më të mëdha në tregun e kontratave te furnizimit me barna, të institucioneve mjekësore shtetërore.
Në lidhje me tenderin e ilaçeve, Vasili është marrë në hetim nga drejtësia edhe në vitet 2001-2003, një tjtër histori me akuza korrupsioni kjo kur ka qenë emëruar Zv/Ministër i Shëndetësisë.
Por, tashmë që nuk është pjesë e tepsisë së Ramës prej disa muajsh pasi ndenji 4 vite nën sqetullën e Rilindjes dhe ministër i saj. Vasili ka kaluar në sulm në frontin e parë dhe LSI është futur në “gjirin” e Bashës, ndaj të cilit dikur nuk i kursente akuzat Titi. Do vlenin shumë akuzat e Vasilit që i shkruan në rrjetet sociale kur luan tavëll me Andi Bejten, por kur ke qënë ministër gati katër vite edhe me PD edhe me PS cdo gjë që thua është një flluskë. Megjithëse Petritin e shkretë nuk e besoi
Kryetari i PD, Lulzim Basha, Klajda Gjosha, Petrit Vasili dhe Kryetarja e LSI, Monika Kryemadhi,
as Mona që nuk e la më shumë se një muaj kryetar dhe në atë kohe fushatën e bënte Ilir Meta.
Duke e mbyllur kujtojmë edhe ndonjë postim në rrjetet sociale dje. Vasili që sot del përkrah Bashës e bën opozitarin e përvëluar, dikur i kujtonte këtij në fundit se ai di shumë të vërteta, duke i adresuar edhe një ftesë direkte: “të pres të përballemi në tv, shesh a ku të duash. Ky, Luli, është një shans edhe për ty.” Por kjo nuk ndodhi.
Mona e shkarkoi Titin, ky si tha të vërtetat për Lulin dhe tani janë bashkë “gushe gushe”, deri ta Rama ta marrë prapë Liken në gji. Petrit Vasili ngelet simboli i opozitarit të Rilindjes së ka “kërcënuar” dhe trembur edhe Lulin./CNA.al
