Pushtetarët shqiptarë dhe jovetëm nuk mund t’i fshihen përgjithmonë drejtësisë. Edhe pse ata vazhdojnë të përdorin metoda nga më të ndryshmet për të justifikuar pasuritë e tyre marramendëse të vënë nga afera korruptive dhe kriminale, shumicën e së cilave i fshehin në banka jashtë vendi të atashuara pranë “parajsave fiskale”, skema e tyre fluide duket se janë pikasur nga agjencitë ligjzbatuese ndërkombëtare.
Gazeta “SOT” ka mësuar se disa politikanëve shqiptarë, mes tyre një ish-kryetar i një partie të madhe të opozitës në Shqipëri i janë kapur llogari bankare në offshore. Mësohet se partnerët ndërkombëtarë në kuadër të hetimeve sipas skemës “Ndiq Paranë” ose siç njihet ndryshe “Follow the Money”, kanë zbuluar plot 9.5 milionë dollarë në emër të politikanët shqiptarë, të cilin për momentin po e mbajmë anonim.
Mësohet se paratë e politikanët opozitar kanë rënë në rrjetën e prokurorëve dhe hetuesve financare në kuadër të disa aksioneve që disa vende partnerët po bëjnë në vende ku dyshohet se shumë politikanë të ndryshëm nga gjithë bota kanë fshehur miliona dollarë të pajustifikuara. Ky gjurmim i parave ka shkaktuara panik tek personi në fjalë, për shkak se ai është thjeshtë një i përdorur, pasi dyshohet se pronari i vërtet i gati 10 milionë dollarëve, është një politikan i rangut të lartë në Shqipëri, i cili lartë e poshtë ka hapur zëra se është i paprekshëm.
Mirëpo ky zbulim i partnerëve, pritet të prishë qetësinë e politikanë që i ka dalë emri në offshore, por edhe atij që fshihte pas tyre. Ndërkohë theksojmë se ky nuk është rasti i parë që politikanëve shqiptarë u janë kapur llogari bankare jashtë vendit. Pak muaj më parë gazeta “SOT” raporti se nga Londra, do të dalë emri i një politikani shumë të njohur në Shqipëri, të cilit i kanë piketuar pasuri marramendëse, e së shpejti do të bllokohen dhe do të zbardhen të gjitha gjurmët e tij në paratë e krimit të organizuar dhe të korrupsionit.
Zyrtarët e lartë në Shqipëri janë përpjekur të tregohen të zgjuar duke pastruar para nëpërmjet personave të tjerë të rrethit të tyre familjar, por britanikëve nuk do të mund t’ua hedhin dot, pasi politikani shqiptar është kapur “mat” duke përdorur skemën e sipërpërmendur, duke përdorur njerëzit e tij më të ngushtë për t’ju fshehur drejtësisë.
\Investimet e tij në Londër, kanë rënë në sy dhe në kuadër të hetimeve të thelluara në ditët në vijim, pritet që të gjithë pasurinë prej 400 milonë paundësh t’ia vënë nën sekuestro.
Megjithatë mbetet të shihet se çfarë do të zbulojnë institucionet e huaja pasi, edhe pse shumë pushtetarë shqiptarë janë zhytur në korrupsion dhe të gjithë ia kanë hedhur paq, shpresat janë se diçka do ndryshojë përmes SPAK dhe BKH, të cilët po bashkëpunojnë ngushtë edhe me institucionet ndërkombëtare.
Çfarë janë bankat offshore?
Banka offshore ose ndryshe banka në det të hapur është një bankë e rregulluar sipas licencës bankare ndërkombëtare (shpesh e quajtur licencë offshore), e cila zakonisht e ndalon bankën të krijojë ndonjë aktivitet biznesi në juridiksionin e themelimit.
Banka në det të hapur është një shërbim financiar legjitim i përdorur nga shumë subjekte të huaj dhe ndërkombëtarë. Termi e ka origjinën nga Ishujt Channel duke qenë “në det të hapur” nga Mbretëria e Bashkuar, dhe sepse shumica e bankave në det të hapur ndodhen në vendet ishullore edhe sot e kësaj dite.
Termi përdoret në mënyrë figurative për t’iu referuar avantazheve të çdo banke pavarësisht vendndodhjes. Kështu, disa banka në Andorrë, Luksemburg dhe Zvicër pa dalje në det mund të përshkruhen si “banka në det të hapur” offshore. Qendrat më të njohura financiare offshore janë në juridiksione me një histori të stabilitetit politik dhe ekonomik.
Për sa i përket qendrave bankare offshore dhe për sa i përket totalit të depozitave, tregu global dominohet nga SHBA, Zvicra dhe Ishujt Kajman. Ndër bankat në det të hapur, bankat zvicerane mbajnë rreth 35% të fondeve private dhe institucionale në botë (ose 3 trilion franga zvicerane) dhe Ishujt Kajman (mbi 2 trilionë dollarë amerikanë në depozita) janë qendra e pestë më e madhe bankare në nivel global për sa i përket depozitave. Bankat offshore përbëjnë një pjesë të konsiderueshme të sistemit financiar ndërkombëtar.
Disa ekspertë besojnë se gjysma e kapitalit të botës rrjedh nëpër qendra në det të hapur, offshore center(OFC). OFC-të thuhet se mbajnë 26% të pasurisë botërore, duke përfshirë 31% të fitimeve neto të kompanive shumëkombëshe, kryesisht nga kompanitë e biznesit ndërkombëtar (IBCs) dhe trustet e Shteteve të Bashkuara.
Ka studiues që deklarojnë se 13-20 trilion £(paund) mbahen në OFC, por shifra reale mund të jetë shumë më e lartë kur merret parasysh shpërndarja e kapitalit kinez, rus dhe amerikan në nivel ndërkombëtar.
