Marrja e parave me anë të mashtrimit duke se është një problem i madh. Policia e Tiranës ka bërë publike sot se ka marrë 5 denoncime brenda një ditë për mashtrime të tilla.
Për këtë arsye, policia ka nisur hetimet ndaj 3 personave. Njëri prej të hetuarve është një shqiptar nga Kosova, që ka mashtruar dy qytetarë nga Tirana.
Njoftimet e Policisë së Tiranës:
Më datë 26.07.2018, u referuan materialet në Prokurorinë pranë Gjykatës së Shkallës së Parë Tiranë, për shtetasin L.C., vjeç 33, banues në Kosovë, nëpërmjet mashtrimit, i ka marrë një sasi parash shtetasit O.R., vjeç 35, banues në Tiranë. Neni 143 i Kodit Penal.
Më datë 26.07.2018, u referuan materialet në Prokurorinë pranë Gjykatës së Shkallës së Parë Tiranë, për shtetasin L.C., vjeç 33, banues në Kosovë, pasi dyshohet se nëpërmjet mashtrimit, i ka marrë një sasi parash shtetasit B.M., vjeç 46, banues në Tiranë. Neni 143 i Kodit Penal.
Më datë 26.07.2018, u referuan materialet në Prokurorinë pranë Gjykatës së Shkallës së Parë Tiranë, për shtetasen Xh.O., vjeç 41, banuese në Tiranë, për veprën penale bazuar në nenin 248 të Kodit Penal.
Më datë 26.07.2018, u referuan materialet në Prokurorinë pranë Gjykatës së Shkallës së Parë Tiranë, për shtetasin A.D., vjeç 47, banues në Tiranë, pasi dyshohet se nëpërmjet mashtrimit, i ka përvetësuar një sasi lekësh shtetasit F.Ll., vjeç 49, banues në Krujë. Nenet 143/2 e 135 të Kodit Penal.
Më datë 26.07.2018, u referuan materialet në Prokurorinë pranë Gjykatës së Shkallës së Parë Tiranë, për shtetasin I.F., vjeç 59, banues në Tiranë, pasi dyshohet se me anë të mashtrimit, i ka marrë një sasi lekësh, shtetases D.T., vjeçe 55, banuese në Elbasan. Nenet 143/2 i Kodit Penal./sot
