Kryeministri Rama e ka cilësuar presidentin Ilir Meta si një fatëkeqësi për Shqipërinë.
“Unë mendoj që për shtetin shqiptar Ilir Meta ka qenë fatkeqësi për të mos thënë më shumë dhe pastaj për LSI është çështja e LSI, e asaj pjese të LSI që vijon akoma të ekzistojë”, tha Rama.
Përsa i përket përplasjes në PD mes Bashës dhe Berishës, Rama u shpreh se kjo parti është kthyer në një zonë të zymtë ku klith e shkuara dhe është vërtetë për të ardhur keq.
“Një fatkeqësi në zhvillim e sipër në Partinë Demokratike që vërtetë të lë një shije të hidhur sepse katandisja e një partie që lindi si forca e re e shpresës dhe të së ardhmes në një zonë të zymtë ku klith e shkuara. Është vërtetë për të ardhur keq dhe ka në vetvete një shëmti të madhe”, u shpreh kryeministri.
