Kryeministri Edi Rama nga takimi elektoral në Divjakë, nuk ka lënë pa shigjetuar edhe Presidentin Ilir Meta. Rama ironizoi me deklaratën e Presidentit një ditë më parë, i cili tha se kishte informacione nga organet ligjzbatuese për destabilitet në protestën e 8 qershorit të opozitës. “Informacione nga filxhani i Monikës që thotë se në fund të filxhanit duket një 30 me kokë poshtë”, ka ironizuar Rama.
“Kam informacione thotë Meta nga organet ligj-zbatuese, domethënë nga filxhani i Monikës që thotë se në fund të filxhanit duket një 30 kokë poshtë, madje që në datë 8, kishte dalë si teta si gjarpër që do t’i hante kokën dhe ky tha “ndaloni”. Këto ishin informacionet nga organet ligj-zbatuese”, tha kryeministri.
