Kryeministri Edi Rama nga Divjaka ka sulmuar ish-kreun e qeverisë Sali Berisha, duke iu drejtuar atij si “plaku Mere”, ndërsa ka theksuar se ai do që të kthejë tmerret e së kaluarës.
“Më datë 30 qershor nuk do shkohet në zgjedhje vetëm për të votuar, por më 30 qershor për shkak të planit destruktiv opozitar, populli duhet të vendosë përfundimisht ndarjen me një periudhë të errët. Populli duhet të vendosë, se asnjë parti politike nuk mund t’i marrë sovranit të drejtën e tij.
Ai plaku i marrë ka mbledhur kokat boshe të udhëheqjes së opozitës si kokrrat e tespies të plakut të Mere, për të përsëritur atë që ka bërë në 30 vjet. Për 30 vjet janë boll dhe pas 30 qershor ne duhet të vendosim se kush fiton hyn në Kuvend, e kush nuk fiton duhet të bëjë opozitën. Molotovët duhet të mbarojnë.
Këto mënyra nuk çojnë asgjëkundi përpos se në vetëvrasje politike. Shqipërinë me vete ata kurrë nuk mund ta marrin”, tha Rama.
