Myftiu i Tiranes, Ylli Gurra, ka folur per protesten e studenteve. Duke denuar korrupsionin ne universitet dhe duke pergezuar studentet per protesten paqesore, Myftiu thekson se Është ora që zëri kumbues i studenteve duhet dhe ka arsye të gjejë udhë dhe të përkthehet në komunikim e dialog
REAGIMI I PLOTE:
Myftiu i Tiranës ,Ylli Gurra, për protestën e studentëve. Së pari ndajmë dhe përcjellim mirënjohjen tone për mënyrën e reagimit qytetarë të këtyre dhjetëra mijërave studentëve.
Pas tre dekadash një protestë legjitime, paqësore. Sot është momenti për t’i thënë jo nëpërkëmbjes së altarit të dijes.
Është koha që të këputen njëherë e mirë të gjitha tentakulat e korrupsionit babëzitës në auditorët e universitete, çka ka vazhduar dhe vazhdon për 3 dekada.
Është dhe marrja e përgjegjshmërisë së qeverisë përballe legjitimitetit të kërkesave elementare të studentëve.
Është ora që zëri kumbues i studenteve duhet dhe ka arsye të gjejë udhë dhe të përkthehet në komunikim e dialog.
Sot është momenti që të komunikohet dhe dialogohet për të folur hapur, sy më sy dhe shqip, Qeveri – studentë, për ta përmbyllur vetëm me zgjidhjen konkrete gtë jitha kërkesat e studentëve.
Reagimi dialogues i studentëve i pasuar me zgjidhje konkrete do të jetë tregues i një komunikimi të një shoqërie të emancipuar dhe me principe.
