Vazhdon prej më se një ore protesta e banorëve të Unazës së Re dhe PD-se përpara Bashkisë së Tiranës.
Protestuesit marrin megafonin dhe flasin njëri-pas tjetrit, duke u shprehur se nuk ndalen deri sa qeveria të terhiqet dhe të vendosë dëmshpërblim 100 për qind për banesat e tyre që do shemben për ti hapurr rrugë projektit të Unazës së Madhe.
Njëri prej protestuesve iu drejtua kryeministrit me fjalët: “Silli përfaqësuesit tuaj tek Unaza e Re.
Hajdeni të negociojmë, të gjejmë një zgjidhje. Ne nuk jemi vetëm, kemi prapa institucionin e Presidencës”.
Protestuesit e tjerë brohorasin në kor.
Ata falenderojnë Metën që dje doli në deklaratë dhe tha se “po ndjek me shqetësim dhe vëmendje situatën konfliktuale të krijuar në Tiranë mes qytetarëve dhe autoriteteve për shkak të ndërtimit të Unazës së Re”.
Presidenti Meta bën thirrje për vendosjen e një dialogu dhe konsultimi mes qytetarëve dhe autoriteteve, me qëllim që të gjithë ankesat të vlerësohen me transparencë dhe përgjegjësi, me qëllim arritjen e një zgjidhjeje të drejtë dhe objektive.
Kujtojmë se disa minuta më parë, situata ishte e tensionuar.
Protestuesit hodhën shashka dhe tymuese në dyert e bashkise se Tiranes.
Ata janë të revoltuar me kryebashkiakun, Veliaj që i quajni “shpellarë”.
