Akuzat e prokurorit federal kundër Eric Adams, janë shumë të rënda, ato që shkatërrojnë një karrierë politike dhe që, të bëra më pak se dy muaj para zgjedhjeve të kaluara presidenciale, motivuan Donald Trump kundër demokratëve dhe vunë në siklet Kamala Harris.
Pse Nju Jorku, drejtësia dhe politika në SHBA nuk e burgos Eric Adams, kryebashkiakun nën akuzë për korrupsion?Kryebashkiaku i Nju Jorkut Eric Adams
Pika e zeze
Kryebashkiaku në fuqi i Nju Jorkut, Eric Adams, nuk është në burg. Ai vazhdon punën normalisht edhe pse akuzohet dhe dyshohet se ka marrë ryshfet nga zyrtarë dhe sipërmarrës të huaj dhe ndaj tij ka një proces për: “Ryshfet dhe kontribute të paligjshme”, të marra edhe nga sipërmarrës dhe zyrtarë të huaj, në këmbim të favoreve dhe lejeve të ndërtimit. Vetë Eric Adams, e konsideron veten të pafajshëm dhe kërkon një proces të drejtë ndaj tij, madje duke thënë se do të kërkojë edhe një mandat tjetër si kryebashkiak i Nju Jorkut.
Akuzat e prokurorit federal kundër Eric Adams, janë shumë të rënda, ato që shkatërrojnë një karrierë politike dhe që, të bëra më pak se dy muaj para zgjedhjeve të kaluara presidenciale, motivuan Donald Trump kundër demokratëve dhe vunë në siklet Kamala Harris.
Adams – 64 vjeç, kryebashkiaku i dytë afrikano-amerikan i Nju Jorkut në historinë 400-vjeçare të qytetit, oficeri i policisë që u ngjit në gradat për t’u bërë kapiten, dhe më pas qytetari i parë i metropolit të madh duke u fokusuar në një program “ligji dhe rendi” – u padit pas një hetimi të gjatë të nisur në vitin 2021, mbi aktivitetin e tij politik në zgjedhjen e tij si kryetar.
Partia Demokratike gjithashtu dëshironte shumë dhe dëshiron edhe sot e kësaj dite të rrëzojë kryebashkiakun e saj të Nju Jorkut. Në këtë situatë përflitet se Eric Adams iu afrua Donald Trump dhe akuzohet se ka siguruar në këmbim mbylljen e gjyqit në të cilin ai u akuzua.
Po si është gjendja aktualisht?
Katër nënkryetarë të bashkisë së Nju Jorkut dhanë dorëheqjen të hënën: ata janë bashkëpunëtorët kryesorë të kryebashkiakut Eric Adams, demokratë dhe kanë njoftuar se nuk mund të punojnë më për administratën aktuale “duke qëndruar besnike ndaj betimeve të bëra ndaj qytetarëve të Nju Jorkut”.
Prej disa javësh pothuajse të gjithë anëtarët e Partisë Demokratike, e cila ka një shumicë të madhe në Nju Jork, i kërkojnë Adams dorëheqjen. Ai refuzon, dhe me të vërtetë siguron se dëshiron të kandidojë për një mandat të dytë (zgjedhjet paraprake janë planifikuar për në qershor). Adams vazhdon të akuzohet se është afruar shumë me administratën e Donald Trump dhe se e ka bërë këtë për të zgjidhur problemet e tij ligjore. Dorëheqja e nënkryetarëve të bashkive, formalisht zgjedhja e tyre personale, u vendos për t’i bërë presion: Nëse nuk funksionon, mund të ketë tentativa për largimin e tij me forcë.
Eric Adams është aktualisht 64 vjeç dhe është kryetar bashkie që nga viti 2022. Ai është një ish-polic me një histori të gjatë në politikën lokale.
Ndërkohë, javën e kaluar, Departamenti i Drejtësisë i administratës së re të Donald Trump u kërkoi gjyqtarëve që merren me çështjen që akuzat kundër kryebashkiakut të arkivohen “pa paragjykim”: kjo do të thotë mbyllje e hetimit dhe gjyqit, i cili megjithatë mund të rihapet më vonë. Por çështja, nga ajo ligjore, është bërë mbi të gjitha politike: marrëveshja e supozuar e Adams me Trump, apo edhe thjesht afërsia më e madhe, është kontestuar shumë nga shumica demokrate.
Katër nënkryetarët e bashkive që dhanë dorëheqjen ishin më pak radikalë dhe të qartë. Ata janë të gjithë politikanë me përvojë në politikën lokale.Prandaj Partia Demokratike iu drejtua guvernatorit të shtetit të Nju Jorkut, Kathy Hochul, e konsideruar aleate e Adams deri pak javë më parë: Hochul do të kishte fuqinë për të nisur një procedurë komplekse që mund të çonte në largimin me forcë të Adams. Megjithatë, siç theksoi vetë ajo, është një pushtet që nuk është përdorur asnjëherë në “235 vitet e historisë së shtetit të Nju Jorkut” dhe do të nënkuptonte largimin e një kryebashkiaku të zgjedhur dhe rrjedhimisht “përmbysjen e vullnetit të popullit”. Hochul tha se donte të takohej me udhëheqësit kryesorë politikë të Nju Jorkut për të vendosur “hapat e ardhshëm”.
