Në fakt prej shumë kohësh politika është rikthyer në një mejdan zhurme mediatike, e cila në fakt ka marrë vëmendjen kryesore dhe jo njerëzit e punës. Zhurmë, e cila është prodhuar sa nga kryetarët e partive, sa nga nevoja për klikime por dhe nga fakti që prej shumë kohësh është shkëputur lidhja midis qytetarëve dhe përfaqësuesit të tyre. Sistemi ka prodhuar padrejtësi të mëdha, duke shkelur meritokracinë, duke shtuar servilosjen ndaj kryetarëve të partive dhe duke shkëputur urën votues-deputet.
Në këtë betejë të politikës së madhe emri i lakuar këto ditë në përballjet mediatike midis Ramës dhe Bashës është dhe emri i Pellumb Seferit, një emër që në media nuk është shumë i lakuar por në qoftë se shkon në njesinë 8 sidomos por edhe në lagjet e Tiranës, nuk ka individ që nuk e e njeh natyrën e tij qytetare por edhe humane.
Në egërsinë e fushatës pavarësisht politikës polarizuese, kur Edi Rama pyeti se kush është kandidatit i Bashës për Njësinë 8, të gjithë të pranishmit jo vetëm folën me respekt për emrin e Pellumbit por socialisti më i vjetër në atë sallë tha se është çun i lagjes e çun i mirë.
Një episod, i cili mjafton për të kuptuar se çfarë përfaqëson Pëllumb Seferi në njësinë 8 kur dhe kundërshtarët politik, flasin me respekt.
Në fakt Pellumb Seferi, për ata që e njohin partinë demokratike e dinë mjaft mirë që i ka ngjitur shkallët politike njëri pas tjetrit, me meritokraci por edhe kur mbi supe i është bërë padrejtësi, ka qëndruar me koherencë e maturi për t’i shërbyer të djathtës shqiptare. Një rrugëtim, i cili në fakt ka nisur që në vitet 90 para 35 vitesh kur shqiptarët kërkonin ndryshim e regjimit por edhe aspironin vlerat e perëndimit.
Sot politika shqiptare po përballet me një situatë të ngjashme, e cila lidhet me fundin e trazicionit shqiptar por dhe me individët, të cilët marrin përgjegjësi mbi shpatulla për të dalë kundër sistemit të kalbur dhe të infektuar në çdo qelizë.
Mbi premisën se nuk jemi përgjegjës vetëm për atë që bëjmë por edhe për atë që nuk bëjmë, Seferi ka zgjedhur të hyjë në këtë betejë me karakterin e tij dhe historinë e tij në të djathtën shqiptare në këto 35 vite.
Prandaj sot emri i Pellumb Seferit lakohet në betejat politike, sepse ata e dinë mjaft mirë peshën elektorale që ka ai jo vetëm në njësinë 8 por edhe në gjithë qarkun e Tiranës.
